ناوه‌ڕۆك
سە‌دا دەی ڕێژەی شەكری ڕۆژانە چۆن دیاری بكە‌ین؟
١٠٪ی تێكڕای وزە‌ی ڕۆژانە یە‌كسانە ٥٠ گرام شە‌كر كە دە‌كاتە ١٢ كە‌وچكە چا. ھۆشداریش دە‌دات كە مە‌بە‌ستیان ھە‌ر ئە‌و شە‌كرە نییە كە بە دە‌ستی خۆمان دە‌یكە‌ینە خواردن و خواردنە‌وە‌كان، بە‌ڵكو ئێستا بە‌شێكی زۆری خواردن و خواردنە‌وە‌كان لە‌لایە‌ن كارگە و كۆمپانیاكانە‌وە شە‌كریان تێدە‌كرێت.
بۆیە دە‌بێت ھە‌ر خۆراكێكی ئامادە‌كراو كە بە‌كاریدێنن، بە وردی بڕی ئە‌و شە‌كرە تێبگە‌ن كە تێكراوە و بیخە چوارچێوە‌ی ئە‌و ٥-١٠٪ یە‌ی تە‌ندروستی جیھانی بڕیاری لێداوە بە‌كاری بھێنن.
بە‌رپرسە‌كە‌ی ڕێكخراوی تە‌ندروستی جیھانی دە‌ڵێت ٨٠٪ی ئە‌و خۆراكانە‌ی لە سوپە‌رماركێتە‌كاندا ھە‌ن، شە‌كریان تێدایە.
بۆ نمونە قوتویە‌كی ئاسایی خواردنە‌وە‌ی گازیی ١٠ كە‌وچكە چا شەكری تێدایە!
تە‌ندروستی جیھانی دە‌ربارە‌ی ئە‌و شە‌كرە سروشتییە‌ی لە سە‌وزە و میوە‌كان و شیردا ھە‌یە دە‌ڵێت« تا ئێستا نە‌دۆزراوە‌تە‌وە زیانیان بۆ كە‌سانی ئاسایی ھە‌بێت».
بە‌ڵام ھۆشداری دە‌دات لە‌و شە‌كرە‌ی لە ھە‌نگوین و شەر‌بە‌ت و مرە‌بادا ھە‌یە.
