توپۆلیڤ تی یو-١٦٠

تۆپۆلیڤ تی یو-١٦٠

تۆپۆلیڤ تی یو-١٦٠ یان فڕۆکەی بۆمبهاوێژی بلاکجاکی ڕووسی (بە ئینگلیزی: Tupolev Tu-160)، یەکێکە لە بەناوبانگترین فڕۆکە بۆمبهاوێژەکانی ڕووسیا و یەکێتی سۆڤیەت، فڕۆکەیەکی ستراتیژییە و خێراییەکەی لە سەرووی دیواری دەنگە و باڵەکانی چەنددۆخن و دەتوانن بۆ دواوە بگەڕێنەوە، لە ڕووی هەستان و پاڵنانەوە بە یەکێک لە باشترین فڕۆکەکان دادەنریت و بە قورسترینەکانی نێو فڕۆکە شەڕکەرەکان دادەنریت، هەروەها گەورەترین فڕۆکەیە کە توانای بڕینی دیواری دەنگی هەبێت، ئەم فڕۆکەیە کۆتا فڕۆکەی بۆمبهاوێژی یەکێتی سۆڤیەت بوو.

تایبەتمەندی

فڕۆکەکە چوار سەرنشین لەخۆدەگرێت کە (فڕۆکەوان، یارمەتیدەری فڕۆکەوان، تەکنیکی چەک، تەکنیکی کەرەستە بەرگرییەکان)ـن، و کورسییەکان لە جۆری K-36DMـن و لەکاتی مەترسیدا دەتوانن خۆیان هەڵبدەن بە پەڕەشووت، فڕۆکەکە لە ژووری پشوودان و دەستشۆر و شوێنی نووستن پێکدێت و هیچ شاشەیەکی ژمارەیی تێدا نییە.

چەک

فڕۆکەکە لە دوو بنکەی کۆگای چەک پێکدێت و هەر یەکێکیان ٢٠,٠٠٠ کیلۆگرام چەک هەڵدەگرن کە توانای هەڵگرتنی مووشەکی قورس و سووک و چەکی ئەتۆمییان هەیە، فڕۆکەکە هیچ چەکێکی تەقەکردن و بەرگری نییە و یەکەمین فڕۆکەی ڕووسیە لەدوای جەنگی جیهانی دووەمەوە کە چەکی بەرگری لەخۆناگرێت.

جیاوازی لەگەڵ بی-١ لانسەر

لەگەڵ ئەوەی فڕۆکە زۆر شێوەی لە فڕۆکەی بۆمبهاوێژی ئەمریکی بی-١ لانسەر هەیە، بەڵام فڕۆکە ڕووسییەکە گەورەتر و خێراترە و مەودای ڕۆشتنی بەبێ پڕکردنەوەی تانکی سووتەمەنی زۆرترە.  

سەرچاوەکان

1. "Russia orders long-range bomber patrols". USA Today. 17 August 2007. Archived from the original on 6 November 2018. Retrieved 12 January 2020.
2. "The upgraded Tu-160 performed its first flight". Russian Aviation. 27 November 2014. Archived from the original on 26 September 2015. Retrieved 20 November 2015.
3. "Tupolev Tu-160 (Blackjack) Strategic Long-Range Heavy Supersonic Bomber Aircraft - Soviet Union". www.militaryfactory.com. Archived from the original on 6 October 2018. Retrieved 29 December 2018.
4. Satter, Raphael G. "NATO jets intercept Russian warplanes." Archived 5 December 2008 at the Wayback Machine USA Today, 14 September 2007. Retrieved 19 July 2009.
5. بۆردی نووسەرانی ئینسایکلۆپیدیای زانیاری