عەلی ڕەزا کەمالی

ناساندن

عەلی ڕەزا کەمالی (بە فارسی: علی‌رضا کمالی، بە ئینگلیزی: Alireza Kamali)، هونەرمەند و نواندنکارێکی ئێرانییە. لە ١٧ـی ئایاری ساڵی ١٩٨٠ لە تارانی پایتەختی ئێران لەدایکبووە، بە ڕۆڵگێڕانی لە زنجیرەی پێستی شێر لە ساڵی ٢٠٢٢ ناوبانگێکی گەورەی پەیداکرد.

ژیان

عەلی ڕەزا هاوسەری پێشووی دونیا مەدانی کچی ڕوویا تەیمووری بووە. لە ساڵی ٢٠٠٠ـدا چووەتە زانکۆی هونەرە جوانەکانی تاران، لەهەمان کاتدا لە بواری نمایشی بوکەڵەدا کاری کردووە. بە شێوەیەک کە دوای سێ ساڵ هاوکاری و کارکردنی لەگەڵ ئەم ناوەندە، بووە باشترین ئەکتەری پیاوی نۆیەمین ڤێستیڤاڵی نێودەوڵەتی شانۆیی بەرگری پیرۆز. یەکەم دەرکەوتنی لە بواری سینەما و تەلەڤزیۆندا لە ساڵی ٢٠٠٣ بوو لە زنجیرەی (شیخ بهایی) لە دەرهێنانی شەهرام ئەسەدی، کە وەکوو یاریدەدەری دەرهێنەر کاری کردووە.

یەکەم ئەزموونی نواندنی بە ڕۆڵی شەمایل عەلی ئەکبەر بووە لە زنجیرەی (ثارالله)، لە دەرهێنانی شەهریار بەهرانی و نووسینی موجتەبا فەرودە بووە. لە ساڵی ٢٠٠٧ لە فیلمی (ملک سلیمان) ڕۆڵی بینیوە، کە پێشوازییەکی گەورەی لێکراوە. هەروەها لە زنجیرەی (نفس) لە دەرهێنانی جەلیل سامان بەژداری کردووە. بە ڕۆڵگێڕانی لە زنجیرەی پێستی شێر لە ساڵی ٢٠٢٢ ناوبانگێکی گەورەی بەدەستهێنا.

خەڵاتەکانی

• براوەی باشترین ئەکتەری پیاو لە نۆیەمین ڤێستیڤاڵی نێودەوڵەتی شانۆیی بەرگری.
  
• کاندیدی باشترین ئەکتەری پاڵپشت بۆ فیلمی (سێ مانگ) لە پێنجەمین ڤێستیڤاڵی نێودەوڵەتی فیلمی شەهر.
  
• براوەی خەڵاتی تایبەتی دەستەی سوێند خواردن لە سیانزەهەمین ڤێستیڤاڵی نێودەوڵەتی فیلمی بەرگری.
  
• کاندیدی پەیکەری حافز بۆ باشترین ئەکتەری دراما بۆ زنجیرەی (نفس) لە هەژدەهەمین فێستیڤاڵی وێنەی جیهانی.

بەرهەمەکانی

زنجیرەی تەلەڤیزیۆنی

فیلمی سینەمایی

سەرچاوەکان

1. این یک مقالهٔ خرد بازیگر سینما است.
2. علیرضا کمالی در IMDb
3. علیرضا کمالی در بانک جامع اطلاعات سينماى ايران