مەرجەکان

 

مەرجەكانی بەكارهێنانی ئینسكلۆپیدیای زانیاری 

بەكارهێنانی ئەو كەرەستە نووسراو، دەنگی و وێنەییانەی لە ئینسكلۆپیدیای زانیاری بڵاوبوونەتەوە و لە ئایندەدا بڵاودەبنەوە، بە كۆمەڵێك مەرجەوە گرێدراوە. هەر بەكارهێنەرێك بەو مەرجانە رازی نەبێت، بۆی نییە بۆ هیچ مەبەستێك سوود لە ئینسكلۆپیدیای زانیاری وەربگرێت.

 

 مەبەست لە سوودلێوەرگرتنیش: خوێندەوە، گوێلێگرتن، سەیركردن و داونلۆدكردنی هەر كەرەستەیەكە كە لەسەر ئینسكلۆپیدیای زانیاری ، لەكاتی بەكارهێنانیدا، هەیە.

 

 مەرجەكانی زانیاری بەم شێوەیەی خوارەوەن

ـ هەركەسێك تەمەنی لە 18 ساڵ بەرەو سەرەوە بێت، دەتوانێ هەموو بەشەكانی ئەم ئینسكلۆپیدیایه‌ بەكاربهێنێت. هەركەسێك تەمەنی لەخوار 18 ساڵەوە بێت، بۆی هەیە بەشێك لە نێوەڕۆكی ئەم ئینسكلۆپیدیایه‌ ،  دوای وەرگرتنی مۆڵەت لە خێزانەكەی (دایك و باوك یان ئەو كەسەی سەرپەرشتیی بەخێوكردن و پەروەردەكردنی دەكات) بەكاربهێنێت. 

 

تۆڕی ڕۆشنبیری زانیاری بەرپرسیار نییە لەوەی نێوەڕۆكی ئەم ئینسكلۆپیدیایه‌ لەلایەن بەكارهێنەرانییەوە بە خراپ سوودی لێوەربگیرێت.  بەكارهێنەری ئینسكلۆپیدیای زانیاری ئەوەی قبوڵە كە كاتێك لەسەر مۆبایلەكەی یان كۆمپیوتەرەكەی ڤێرژنێكی نوێی ئەپی زانیاری یان ماڵپەڕ دێت، دەكرێ جۆری خزمەتگوزارییەكانی زانیاریش بگۆڕدرێت یان مەرجەكانی بەكارهێنان گۆڕانیان بەسەردابێت، بۆیە بە وریاییەوە ئەپەكەی ئەپدەیت دەكاتەوە و دەرەنجامی ئەپدەیتكردنەوەكە هەر شتێك بێت قبوڵی دەكات.

 

 ـ كۆپی رایتی ئەو كەرەستە نووسراو، بیندراو و بیستراوانەوەی لە ئینسكلۆپیدیای زانیاری بڵاودەبنەوە بۆ تۆڕی میدیای زانیاریه‌  و بەبێ پرسی زانیاری نابێ سەرلەنوێ بۆ كاری میدیایی یان بازرگانی بەكاربهێندرێن. بەكارهێنەری زانیاری ئازادە لەوەی ئەو كەرەستانە تەنیا بۆخۆی، بەبێئەوەی پارەی پێ پەیدا بكات بەكاربهێنێت.

 

تۆڕی میدیای زانیاری مافی ئەوە دەپارێزێت كە ئەو كەرەستانە لە هەر كاتێكدا رەش بكاتەوە و بگوازێتەوە كە لەلایەن بەكارهێنەرانەوە بۆ سەر ئینسكلۆپیدیای زانیاری ئەپلۆد كراون.

 

 ـ لە هەندێك لە به‌رهه‌م  و كەرەستەكانی دیكەدا كە لە ئینسكلۆپیدیای زانیاری بڵاودەبنەوە، لینكی ماڵپەڕی دیكە رەنگە بەكاربێت، زانیاری  گەرەنتیی ئەوە ناكات كە ئەو ماڵپەڕانە زیانبەخش نین بۆ ئەو ئامێرانەی بەهۆیانەوە سەردانیان دەكەن. بۆیەش هیچ بەرپرسیارێتییەك لەوبارەوە لەئەستۆ ناگرێت.