برنج به‌شویت پاقله‌ له‌گه‌ڵ مریشك به‌ ساغی

له‌لایه‌ن: تارا ئه‌مین - به‌روار: 2020-05-27-11:45:00 - کۆدی بابەت: 253
برنج به‌شویت پاقله‌ له‌گه‌ڵ مریشك به‌ ساغی

ناوه‌ڕۆك

كه‌ره‌سته‌كانی برنجه‌كه‌ 

ده‌سكێ شویت

كوپێ به‌زالیا 

دوو كوپ پاقله‌

دوو كوچك خوێ 

سێ په‌رداخ برنجی به‌سمه‌تی

سێ په‌رداخ و نیو ئاو 

نیو كوپ ڕۆن 

یه‌ك پیاز

شێوازی ئاماده‌كردن برنجه‌كه‌

1- پیازه‌كه‌ ورد ده‌كرێت و له‌ناو ڕۆنه‌كه‌ سورده‌كرێته‌وه‌ خوێ ئاوو به‌زالیاو پاقله‌كه‌ی تێده‌كرێت پاشان شویته‌كه‌ ورد ده‌كرێت و تێێ ده‌كرێت هه‌تا ده‌كوڵێت 

2- برنجه‌كه‌ ده‌شۆرێته‌وه‌و تێی ده‌كرێت هه‌تا ئاوه‌كه‌ی هه‌ڵ ده‌چنێت ئاگره‌كه‌ی زۆر كز ده‌كرێت و سه‌ری ده‌گیرێت ده‌م بكێشێ 

كه‌ره‌سته‌كان مریشكه‌كه‌

مریشك 

دوو په‌تاته‌ 

دوو ته‌ماته‌

دوو پیاز

دوو گێزه‌ر

خوێ

ئاوی لیمۆ

ده‌رمانی مریشك 

بیبه‌ری تون هاڕاو 

بیبه‌ری سوری شیرینی هاڕاو

زه‌نجه‌فیلی بۆدره‌ 

كه‌مێك ڕۆن

شێوازی ئاماده‌كردنی مریشكه‌كه‌

1- مریشكه‌كه‌ له‌ سنگه‌كه‌یه‌وه‌ ده‌كرێته‌وه‌و ده‌شۆرێته‌وه‌ به‌ جوانی 

2- په‌تاته‌كه‌ پاك ده‌كرێت و ده‌كرێت به‌دوكه‌رته‌وه‌ ته‌ماته‌كه‌ش به‌دوكه‌رته‌وه‌ پیازیش به‌هه‌مان شێوه‌ پاك ده‌كرێت ده‌كرێ به‌دوكه‌رته‌وه‌ گێزه‌ره‌كه‌ پاك ده‌كرێت ده‌كرێت به‌دوو به‌شه‌وه‌

3- هه‌موو داوده‌رمان و خوێ ئاوی لیمۆو خه‌له‌كه‌ تێكه‌ڵ ده‌كرێت و مریشكو كه‌ره‌سته‌كانی لێ هه‌ڵده‌كێشرێت 

4- یان ده‌كرێته‌ كیسه‌ی فڕن یان له‌سه‌ر كاغه‌زی فڕن داده‌نرێت و به‌كاغه‌زی ئه‌له‌منیۆم داده‌پۆشرێتو ده‌خرێته‌ فڕن بۆ ماوه‌ی 45 خوله‌ك له‌فڕن بێت له‌سه‌ر پله‌ی 200

5- پاش ئه‌و كاته‌ ئه‌له‌منیۆمه‌كه‌ لاده‌برێت تا مریشكه‌كه‌ سوربێته‌وه‌


سەرچاوەکان

204 بینین