ناوه‌ڕۆك
مامۆستای سەرکەوتوو خاوەن کەسایەتی بەرزە
ئەوانەی کاری پەروەردەکردنی مرۆڤ دەکەن پێویستیان بە کەسایەتیەکی بەرز هەیە، نموونە بن بۆ هەموو کەسێک، بەڵام دەبێت بزانین کەسایەتی بەرز چیە؟. چ پێوەرێک بەکار بهێنین بۆ ئەوەی بە شێوەیەکی زانستی لەو کەسایەتیە بگەین کە ئیمە دەمانەوێت، زۆر کەسمان فیزکردن و خۆ دوور گرتن و تێکەڵ نەبوون لەگەڵ قوتابی بە کەسایەتی دروستی خۆی دادەنێت، کەسانی تر هەن ئەوەندە تێکەڵن لەگەڵ قوتابی هیچ جیاوازییەکیان لە نێوان خۆیان و قوتابیان نەهێشتۆتەوە. ئەم دوو خۆرە بەشێک لە زیادەڕەویان تێدایە، لە هەر بارێکدا دەبێت ئەو ڕاستیە بمێنێتەوە کە مامۆستا، مامۆستایە و قوتابیش قوتابیە. ئەو خاڵانەی کە کەسایەتی مامۆستا ڕادەگرن و بەهێزی دەکەن بریتین لە:
١- پڕزانستی وزاڵبوونی تەواو بەسەر وانەک و ڕۆشنبیرییەکی بەرز.
٢- خۆسووک نەکردن و خۆ دوور گرتن لە گاڵتە و قسەی هەزەلیاتی لە ڕادە بەدەر.
٣- نەشاردنەوەی ڕاستیەکان و گەیاندنی تەواوی زانیارییەکان بە قوتابی.
٤- دادپەروەری و جیاوازی نەکردن لە نێوان قوتابیان.
٥- ڕاستگۆی لە کردار و گوفتاردا.
٦- خۆ هەڵنەقولتاندن لە هەموو کارێک.
٧- ڕووخۆشی و بەشەوقەوە بوون بۆ گوتنەوەی وانەکە.
