ناوه‌ڕۆك
دوودڵیی کاتی بڕیاردان
دوودڵیی هەڵسوکەوتێکە بەهۆی نادڵنیایی لە نێوان بڕیارەکان و نەبوونی توانای بڕیاردانەوە دروست دەبێت، کە هۆکارەکەی کرداری هەڵسەنگاندنی جێگرەوەکان و هەڵبژاردنیانە، ئەمە بە چالاکییەک دادەنرێت بۆ چارەسەرکردنی کێشەکان و سەردەکێشێت بۆ چارەسەری لۆجیکیانە تر، بۆیە ئەم کردارە کردارێکی زۆر ژیرانەیە ئەگەر بە ڕێچکەی خۆی ڕوووبدات، وەک ناعەقڵانییە کاتێک بڕیارەکە بە شێوەیەکی نازانستیانە و ناڕێک و پێک دەدرێت، وە زۆر لێهاتوویی هەن کە دەکرێت پەرەیان پێ بدرێت بۆ کرداری بڕیاردانی لۆجیکی و نزیک لە ڕآستییەوە، وەک شیکردنەوە و گفتوگۆکردن، قۆناغ و شێوازەکانی ڕزگاربوون لەم بڵاوکراوەیەدا باس دەکرێت.
قۆناغەکانی بڕیاردان
بۆ زانینی چۆنیەتی ڕزگاربوون لە دوودڵیی بڕیاردان، بڕیاردان بە چەند هەنگاوێک دەکرێت بۆ ئەوەی کەسەکە بگات بە ئەنجامی قایلکەر و گەیشتن بە باشترین دەرەنجامەکان کە دەکرێت کێشەکەی چآرەسەر بکات یان ڕآزی بکات و یارمەتیی بدات لە بەدەستهێنانی سەلامەتیی دەروونی، ئەمانە قۆناغەکانی بڕیاردانن:
- زانین بە هەبوونی کێشە: لەم قۆناغەدا دەبێت هەستی هەبوونی کێشە و پێزانینی هەبێت.
- دیاریکردنی ئامانجەکان: دانانی ئەو ئامانجانەی کە دەکرێت پێی بگەیت لە ڕێگەی چارەسەرکردنی کێشەکەوە.
- پۆلێنکردنی ئامانجەکان بەپێی گرنگییەکەیان: ڕێکخستنی ئامانجەکان لە گرنگترینەوە بۆ گرنگیی کەمتر.
- دانانی جێگرەوە و چآرەسەرەکان: دانانی ئەو چارەسەرانەی دەکرێت لە کرداری جێبەجێ بکرێن.
- هەڵسەنگاندنی جێگرەوە و چارەسەرەکان: لە بەرچآو دانانی لایەنە باش و خراپەکانی جێگرەوەکان.
- هێشتنەوەی ئەو جێگرەوانەی کە دەکرێت جێبەجێ بکرێن: هەڵبژاردنی باشترینی باشترینەکان لە نێوان چارەسەرکاندا.
- هەڵبژاردنی باشترین جێگرەوە: هەڵبژاردنی تاکە چآرەسەری لۆجیکی کە دەکرێت جێبەجێ بکرێت و چآرەسەرێکی ڕآستەقینەیە بۆ کێشەکە.
چۆنییەتی ڕزگاربوون لە دوودڵیی لە بڕیاردان
زۆر کەس هەن بە دوای چارەسەری خۆ ڕزرگارکردن دەگەڕێن لە دوودڵیی بڕیاردان، ئەمە لەبەر بڵاویی و زۆری ئەم کێشەیە لە نێوان تاکەکان و کۆمەڵگاکاند و قورسیی هەڵبژاردنی بڕیاری گونجاو، ئەم ڕێگایانە ڕێگەی باش و کاران بۆ ڕزگاربوون لە دوودڵیی:
- ڕزگار بوون لە ترس: دەکرێت خۆ ڕزگارکردن لە ترس ڕووبدات لە ڕێگەی بیرکردنەوە بە شێوەیەکی لۆجیکی و وازهێنان لەو بیرکردنەوە خەیاڵیانەی کە مرۆڤ پێیدا تێدەپەڕێت لە قۆناغەکانی ژیاندا.
- دیاریکردنی ئامانجەکان: دیاریکردنی ئامانجەکان یارمەتی کەسەکە دەدات بیر لەوە بکاتەوە کە دەیەوێت، ئەمەش یارمەتی و هانی مرۆ دەدات بۆ بیرکردنەوە لە داهاتوو بە بێ دوودڵیی.
- بیرخستنەوەی کارە باشەکان: بەدەستهێنانی سەرکەوتن یارمەتیدەرە بۆ دەستکەوتنی سەرکەوتنی تر بە دوایدا و توانای بەردەوامی لەسەر کار و پەرەپێدانی خود و لێهاتووییەکان و گەیشتم بە ئامانجەکان ئاسان دەکات.
- هەڵگرتنی بەرپرسیارییەتی بڕیارەکان: دەبێت مرۆڤ ئاگاداری بڕیارەکانی بێت و بزانێت لایەنە پۆزەتیڤ و نێگەتیڤەکان چین کە دەکرێت بڕیارێکی سەلامەت هەڵیبگرێت.
- بنیاتنانی باوەڕبەخۆبوون: ئەمە لە ڕێگەی زانینی کەسەکەوە دەبێت بە خاڵی لاواز و بەهێز، وە هەوڵدان بۆ ڕآستکردنەوەی خود، وە گەیشتن بە تەندروستی دەروونی و بەهێزکردنی خود.
هەروەها دەبێت زیانەکانی دوودڵیی کاتی بڕیاردان بزانرێت، چونکە دوودڵیی هەلەکانی کەسەکان لەناو دەبات و وای لێدەکات نەتوانێت خۆی لە بەردەم خۆی بسەلمێنێت یەکەم و لە بەردەم ئەوانی دیکەش دووەم، وە هەروەها مرۆڤ هەست بە بێ توانایی و باوەڕبەخۆ نەبوون دەکات و تواناییەکانی کەسەکە بێ دەسەڵات دەکات، وە وای لێدەکات هیچی پێنەکرێت، چونکە مرۆڤ هەر ئامانجێکی هەبێت ئەگەر دوودڵ بێت ناتوانێت پێی بگات.
