منداڵبوون

له‌لایه‌ن: ڕاوێژ نورالدین - به‌روار: 2020-09-26-01:20:00 - کۆدی بابەت: 503
منداڵبوون

ناوه‌ڕۆك

منداڵبوون

دوای نزیكەی 270 ڕۆژ (38هەفتە) لە پیتێن منداڵ بوون ڕوو دەدات. پڕۆستاگلاندین كە پەردەكانی كۆرپەلەیی بەرهەمی دێنن. وە ئەو هۆرمۆنانەی كە لەشی دایك و لەشی كۆرپەلەش بەیەكەوە بەرهەمی دەهێنن كرداری منداڵ بوون بەرەڵا دەكەن. خەستی بەرزی ئیسترۆجین و پڕۆستاگلاندین و ئۆكسیتۆسین، ئەوەی دوایی هۆرمۆنێكی ژێر مێشكە ڕژێنە دەبنە هۆی گرژبوونی لووسە ماسولكەكانی منداڵدان. تورەكەی سەراو دەدڕێت و شلەی سەراوی لێ وروژم دەكات بۆ دەرەوە بە زێدا لە كردارێكە ناوبراوە بە (هاتنە خوارەوەی ئاوی سەر) . ماسولكەكانی ملی منداڵدان و زێ خاودەبنەوە ملی منداڵدان فراوان دەبێت و ڕێگە خۆشدەكات بۆ تێپەڕبوونی كۆرپەلە. گرژبوونە ماسولكەییەكان و ڕووداوە هاوەڵەكانی دیكە دەبنە هۆی منداڵبوون كە پێی دەڵێن ژان. لەوانەش گرژبوونەكانی منداڵدانەكە پاڵ بە كۆرپەلەوە دەنێت بۆ دەرەوەی لەشی دایك بە ملی منداڵدان و زێدا.

وێڵاش و پەردەی سەراو ناوپۆشی منداڵدان بەیەكەوە هەموویان ناودەبرێن بە پزدان (پاور)، پاش ماوەیەكی كەم لە منداڵ بوون دەكرێتە دەرەوە. دوای منداڵبوون هەردوو سییەكانی منداڵە لە دایكبووەكە دەكشێن و ئەو كاتە هەناسە دان دەست پێدەكات و بۆ یەكەم جار ئەو ڕووبەڕووی ژیان دەبێتەوە. ناوكە پەتك دەبەسترێت و پاشان دەبردڕێت. خوێبەر و خوێنهێنەرەكانی ناوكە پەتك ساڕێژ دەبن، لە ماوەی 30 خولەكی دوای لە دایك بوون. ئەو گۆڕانكارییانە و هی دیكەش لە لوولە خوێنەكانی منداڵەكەدا دەبنە هۆی تەواوكردنی دڵە سییە سوڕ و گورچیلە سوڕ. كە ڕێگە بە منداڵ دەدات سەربەخۆ بێ دایك هەڵبستێت بە فرمانەكانی خۆی. لە ماوەیەكی كورتدا كۆئەندامەكانی هەناسە و دەرهاوێشتن لە منداڵەكەدا كارا دەبن.

 


سەرچاوەکان

31 بینین