ناوه‌ڕۆك
منداڵبوون بە نەشتەرکاری
زۆرینەی خانمان دوای ئەوەی کە بە نەشتەرکاری منداڵیان دەبێت، بە گشتی دوای دوو ڕۆژ لە نەخۆشخانە دەردەچن و دەگەڕێنەوە بۆ ماڵەوە، وە پێویستیان بە چاودێرییەکی تەواو هەیە دوای نەشتەرکارییەکە لە ماڵەوە، چاکبوونەوەی دایکەکە و بڕینی نەشتەرکارییەکەی دەکرێت چوار هەفتە یان زیاتر درێژە بکێشێت، و گرنکە خانمان ئەو چوار هەفتەیە زۆر ئاگاداری خۆیان بن تاکوو بە تەواوی باش ببنەوە.
چەند ڕێنماییەک تاکوو زووتر چاک ببیتەوە دوای نەشتەرکاری منداڵبوون
- هەر کاتێک هەستت بە ماندوویەتی کرد پشوو بدە و خەوێکی باشیش بکە.
- هەوڵبدە ڕۆژانە کەمێک بە ڕێگادا بڕۆیت و هەر ڕۆژێکی نوێ لە ڕۆژی پێشتر زیاتر بە ڕێگادا بڕۆ، ڕێ ڕۆشتن ڕێگری دەکات لە کڵۆبوونی خوێن و قەبزی.
- تاکوو پزیشکەکە دڵنیایی پێ نەداویت دوورکەوە لە هەڵگرتنی شتی قورس.
- بۆ ماوەی شەش هەفتە دوورکەوەرەوە لە کارە قورسەکانی ناوماڵ.
- دوورکەوە لە زۆر چەمانەوە و هەر کارێک کە زیان به سکت بگەیەنێت.
- بۆ کەمکردنەوەی ئازاری سکت کاتێک کە دەکۆکیت یاخود هەناسەی قووڵ هەڵدەمژیت سەرینێک بخە سەر شوێنی برینەکەت.
- دوای خۆشۆردن برینەکە بە جوانی وشک بکەرەوە.
- سانتی بەکاربهێنە لە جیاتی شتی دیکە بۆ خوێنبەربوونەکەت و دوورکەوە لە بەکارهێنانی تامپۆن.
- تاکوو بە تەواوی باش دەبیتەوە دووربکەوەرە لە شۆفێری کردن.
- واباشترە شەش بۆ هەشت هەفتە دوورکەونەوە لە جووتبوون.
- ڕۆژانی یەکەمی دوای نەشتەرکارییەکە باشترەکە خۆراکی سووک و شلەمەنی بخۆیت.
- ئەو خواردنانە بخۆ کە ڕۆژانی پێشوو بەردەوام خواردووتە.
- ئەگەر گەدەت ئازاری هەیە خۆراکی سووک بخۆ و برنجی سادە، ماست و نان.
- خۆراکی دەوڵەمەند بە ڤیتامین و پڕۆتین بخۆ بۆ زووتر چاکبوونەوەی برینەکەت.
- قەبزی پەستان دەخاتە سەر شوێنی برینەکەت بۆیە خۆراکێک بخۆ کە قەبزیت نەهێڵێت نەک زیاتر قەبزت بکات.
- بڕێکی زۆر ئاو بخۆرەوه.
- لە ڕۆژانی یەکەمی دوای نەشتەرکاریەکەدا دوورکەوە لە خواردنی دانەوێڵە و ئەو خۆراکانەی کە سکت بای پێ دەکات.
- ئەگەر پێش نەشتەرکاری گەدە و ڕیخۆلەکانت خاڵی بووبێت بە گشتی دوای نەشتەرکاری پیسایت نابێت و خێرا تووشی قەبزی نابیت، بەڵام لە هەر بارودۆخێکدا هەوڵبدە هەرگیز زەخت نەکەیت لە تەوالێتدا کە بۆ برینەکەت خراپە، ئەگەر دوای چەند ڕۆژێک پیسایت نەکرد سەردانی پزیشک بکە.
- چاودێریکردنی بینی نەشتەرکارییەکە.
- شوێنی برینەکە بە پاکوخاوێنی و وشکی بهێڵەوە.
- بە گشتی نەخۆشخانە دوای نەشتەرکاری پلاستەری دژە ئاو دەدات لە برینەکە کە دەتوانیت بەوەوە خۆت بشۆیت تاکوو برینەکەت تەڕ نەبێت.
- دوای چوونە ماڵەوە دەتوانیت خۆت بشۆیت.
- هەوڵبدە هەموو ڕۆژێک خۆت بشۆیت.
- برینەکەت دوای خۆشۆردن بە جوانی وشک بکەرەوە.
- بۆ لابردنی تەقەڵ و پلاستەرەکە سەردانی نەخۆشخانە بکە و خۆت ئەمە لە ماڵەوە ئەنجام مەدە
- جلەکانی ژێرەوەت مەهێنەرەوە بەسەر شوێنی برینەکەتدا
- جلی فێنک و فراوان بپۆشە
- کاتێک برینەکەت هێشتا تازەیە، پشتێنی سک بەستن بەکارمەهێنە بۆ سکت
- دەستکاری برینەکەت مەکە و زوو زوو پلاستەرەکە لامەبە تاکوو سەیری بکەیت
- بە بێ پرسی پزیشک هیچ جۆرە کرێم و ماددەیەکی بۆ بەکارمەهێنە
چ کاتێک سەردانی پزیشک بکرێت
دوای ئەوەی نەشتەرکاری دەکرێیت و دەچیتە ماڵەوە، ئەگەر هەر یەکە لەم حاڵەتانەت بینی ئەوا سەردانی پزیشک بکە:
- بورانەوه
- کێشەی هەناسەدان
- ئازارێکی لەناکاوی سەر سنگ یاخود کۆکەی خوێناوی
- دڵتێکچوون و ڕشانەوە
- ئازارێکی زۆری سک
- برینەکەت کراوەتەوە یاخود تەقەڵەکان شل بوونەتەوه
- کێشەت هەیە لە کاتی پیسایی کردندا بەتایبەت ئەگەر سکت زۆر ئاوسابێت
- هەستی دڵگرانی و گریانی بەردەوام
- ڕەقبوونی مەمک
چەند خاڵێک لەسەر خوێنبەربوونی دوای منداڵبوون بە نەشتەرکاری
ئەگەر هەر یەکە لەم حاڵەتانەت هەبوو سەردانی پزیشک بکەن:
- ئەگەر خوێنبەربوونەکەت زیاتر و توندتر بووە، یاخود دوای چوار ڕۆژ لە نەشتەرکارییەکە هێشتا ڕەنگی خوێنەکەت سوورە
- ئەگەر کڵۆخوێنی زۆر گەورەت هەبوو، کە ئاسایی نەبوو وەک کڵۆخوێنەکانی کاتی سوڕی مانگانە نەبوو
- ئەگەر دەردراوەکانی زێ بۆنێکی ناخۆشیان هەبوو
- تات هەبوو
- هاتنە دەرەوەی کۆمەڵێک دەردراو لە شوێنی برینەکەوه
- زیادبوونی ئازارەکەی، ئاوسان، هەستکردن بە گەرمی شوێنەکە و یاخود سووربوونەوەی برینەکەت
- خوێنبەربوون لە شوێنی برینەکەوە
بوونی گرێ لە ملدا یاخود لە ژێر ڕاندا
