ناوه‌ڕۆك
لە خۆم نامۆم
نیوەم شینەو نیوەم شایی
خۆ نازانم ئەمەش خۆمم، یان تارمایی!
نیوەم بێدارەو نیوەم خەو
لەگەڵ ئەم پێئەکەنم و
بەڕێگاوەم بۆ پرسەی ئەو
سوپاس گوزاری ھەردوو لام
جارێ بۆ تیرەکەی ئەولاو
جارێ بۆ شیرەکەی ئەم لام.
لە وەتەی ھەم ھەمو شتێکی ژیانم بۆتە نیوە
لەماڵمدا بێ دڵی پڕ، کاسەی پڕم نەبینیوە
نیو ئازادی و نیو نیشتیمان
نیوەی لێوم زەردەی بزەو نیوەی گریان
نیوەم جنەو نیوەم ئینسان
ھەر لایەکیان یەک بکوژن
تۆڵە لە من ئەکەنەوە
ھەر لایەکیان بیدۆڕێنن
ھەر لە منی ئەبەنەوە
لە کەنیسە مۆم پێ ئەکەم
لە عاشووراش ئەدەم لە خۆم
لەوەتەی ھەم ھەر بە تەنھا بۆ خۆم نیە
شین و ڕۆ ڕۆم
ھەر کەسێ وتی سەردارم
من پێی ئەڵێم غوڵامی تۆم.
نووسینی : ڕەنج سەنگاوی
سەرچاوەکان
3285 بینین
