ناوه‌ڕۆك
بە‌كارھێنانی چیلكە زیانی بۆ ددانە‌كان ھە‌یە
زۆرن ئە‌و كە‌سانە‌ی پاش نان خواردن چیلكە‌ی تایبە‌ت بۆ پاككردنە‌وە‌ی ددانە‌كانیان بە‌كاردە‌ھێنن، بە‌ڕای پسپۆرانی تە‌ندروستیش ئە‌م كردارە زیانی بۆ ددانە‌كان ھە‌یە.
بە‌پێی ئە‌و توێژینە‌وانە‌ی پسپۆرانی ددان ئە‌نجامیان داوە دە‌ركە‌وتووە زۆر بە‌كارھێنانی چیلكە‌ی ددان دە‌بێتە ھۆی لە‌دە‌ستدانی نە‌رمی نێوان ددانە‌كان، ئە‌وە‌ش ھۆكارێكە بۆ كلۆربوونی ددان و دروتس بوونی كیس.
بە‌ڕای پسپۆرە‌كان ئە‌و شێوازی پاككردە‌وە‌ی ددان ھە‌ڵە‌یە و پێویستە پە‌تی ددان یاخود فڵچە بۆ لابردنی پاشماوە‌ی خۆراكە‌كان بە‌كاربھێنرێت، چونكە ڕێگایە‌كی تە‌ندروستە و ھیچ زیانێكی بە‌دواوە نییە بۆ پوك و ددانە‌كان.
پسپۆرە‌كان داوا لە ھاوڵاتاینیش دە‌كە‌ن كە گرنگییە‌كی زۆر بە ددانە‌كانیان بدە‌ن، بە‌جۆرێك كە تە‌نھا پاكردنە‌وە بە فڵچە و پە‌تی تایبە‌ت بە‌س نییە، بە‌ڵكو پێویستە ناو بە ناو یاخود لە‌كاتی ھە‌ستكردن بە‌ھە‌ر ئازارێك سە‌ردانی پزیشكی پسپۆر بكە‌ن.
