خۆشۆردنی سوننەت

باسی خۆشۆردنی سوننەت

ئەو خۆشۆردنانەی خێرن حەڤدە غوسڵن:

• خۆشۆردنی ڕۆژی هەینییە.
• خۆشۆردنە بۆ جەژنی ڕەمەزان و قوربان
• خۆشؤردنە بۆ نوێژی داواکردنی باران
• خۆشۆردنە بۆ نوێژی مانگگیران.
• خۆشۆردنە بۆ نوێژی خۆرگیران،
• خۆشۆردنە لەبەر ئەوەی مردووی شۆردووە (عن أبي هريرة -رضي الله عنه- قال النبي -صلى الله عليه وسلم-: من غسل ميتا فليغتسل)حسنه الترمذي، پێغەمبەر ﷺ فەرمووی: هەر کەسێک مردوویەکی شۆرد با خۆی بشۆرێ.
• خۆشۆردنی کەسێکە کە کافرە و ئەبێتە موسوڵمان (أسلم قیس بن عاصم فأمره النبی ﷺ: أن یغتسل) رواه أصحاب السنن، (قەیس)ی کوڕی (عاسیم) بووە موسوڵمان، پێغەمبەر ﷺ پێی فەرموو: خۆت بشۆرە. هەروەها سوننەتە سەریشی بتاشێ.
• خۆشۆردنە لەبەر چاكبوونەوە لە شێتبوون.
• خۆشۆردنە لەبەر بێ هۆشبوون کاتی چاکبوونەوە (عن عائشة: کان ﷺ یغمی علیه من مرض موته ثم یفیق فیغتسل)رواه الشیخان، پێغەمبەر ﷺ لەبەر نەخۆشی وەفاتی بێ هۆش دەبوو، ئینجا کە دەهاتەوە هۆش خۆی غوسڵی دەکرد.
• خۆشۆردنە بۆ ئیحرام بەستن بە حەج یان بە عومرە.
• خۆ شۆردنە بۆ چوونە ناو مەککەی پیرۆز.
• خۆشۆردنە بۆ وەستانی عەرەفە.
• بۆ شەو مانەوە لە موزدەلیفە.
• بۆ بەرد لێدانی هەرسێک لە شەیتانەکان.
• بۆ تەوافکردنی ماڵی خوا. بۆ هاتووچۆی نێوان سەفا و مەڕوە.
• خۆشۆردنە بۆ چوونە مەدینەی پیرۆز و زیارەتی پێغەمبەر ﷺ.

سەرچاوەکان

1. بۆردی نوسەرانی ئینسكلۆپیدیای زانیاری
2. كتێبی ڕۆژی پرشنگدار (متن فتح القریب) لە دانانی عبدالله عبدالعزیز هەرتەلی