ناوه‌ڕۆك
گوڵەباخ
شاعیر: کامەران موکری
بەرهەم: ئاوات و ڕەنج
هۆنراوە: گوڵەباخ
لۆمەی زۆر دڵدارم ئەکرد
بۆ چی خۆیان بەم دەردە برد
تاکوو دڵداری نوانی پێم
یەی کیژوڵە پێی لێ ئەنێم
هەر بە یەک سەرنج یەک ئاوڕ
بەرت دالە دەروونم گڕ
ئەی فریشتەی تاسە و مەبەست
هەردوو مەچەکی منت بەست
تا دوێنێ بوو قوتابی بووم
ئێستە مامۆستای عەشقی ڕووم
شیعرت بۆ ڕێک ئەخەم سیخناخ
لە وەسفی جوانیت گوڵەباخ
سەرچاوەکان
353 بینین
