ناوه‌ڕۆك
ناساندن
پێنج باشترین تۆوەکان بۆ خواردن (بە ئینگلیزی: The five best seeds to eat، بە عەرەبی: أفضل خمسة بذور للأكل)، تۆوەکان سەرچاوەیەکی باشن بۆ چەوری تەندروست، ڕیشاڵ و کانزاکان، تۆوەکان پڕن لە:
- ئاسن یارمەتیت دەدات بۆ دروستکردنی پڕۆتینێک کە خوێنی دەوڵەمەند بە ئۆکسجین لە هەموو جەستەتدا هەڵدەگرێت.
- کالسیۆم گرنگە بۆ تەندروستی ئێسک.
- مەگنیسیۆم کانزایەکە کە یارمەتی شێدارکردن و تەندروستی ڕیخۆڵە و مێشک دەدات.
- فۆسفۆر گرنگە بۆ زۆرێک لە کردارەکانی لەش، لەوانە چاککردنەوەی خانەکان و فلتەرکردنی پاشماوەکان.
باشترین تۆوەکان بۆ خواردنەکەت
ئەم پێنج تۆوانە زیادکراوێکی زۆر باشن بۆ خۆراکی تەندروست:
- تۆوی کەتان
- تۆوی چیا
- تۆوی کولەکە
- تۆوی گوڵەبەڕۆژە
- كونجی
سوودەکانی تۆوی کەتان
ڕووەکی کەنت یان کەتان یاخود تۆوی ڕووەکی کەتان پڕە لە پڕۆتین و پۆتاسیۆم. هەروەها سەرچاوەیەکی دەوڵەمەندی لیگن. لیگنەکان پۆلیفینۆلن کە جۆرێکە لە دژە ئۆکسێن. لە کاتێکدا کە لیگنییەکان لە سەرچاوەکانی دیکەی ڕووەکدان، بەڵام کەنتەکان ٧٥ بۆ ٨٠٠ جار زیاتر لیگنیان تێدایە لە خۆراکی ڕووەکی تر. توێژینەوەیەک دەریخستووە کە تایبەتمەندییەکانی دژە هەوکردنی لیگن یارمەتی ڕێگریکردن لە نەخۆشییەکانی دڵ و شێرپەنجە دەدات.
چۆنیەتی ئامادەکردنی تۆوی کەتان
جەستەمان کاتێکی باشی هەیە بۆ هەرسکردن و هەڵمژینی سوودە خۆراکییەکانی تۆوێکی تەواو بەسوود، تێکەڵکردنی دانەوێڵە و ماست لەگەڵ تۆوی کەتان سوودێکی زۆری دەبێت بۆ تەندروستی جەستە. کەتان بە تەوای پێکهاتەی ڕیشاڵی بەرزە، بۆیە لەوانەیە کاریگەری لەسەر ڕێکخستنی ڕیخۆڵەکانت هەبێت.
سوودەکانی تۆوی چیا
وەک تۆوی کەتان تۆوی چیا سەرچاوەیەکی ڕووەکی زۆر باشە بۆ چەوری ئۆمیگا ٣ یان ترشی ئەلفا لینۆلینیک، یەکێکی دیکە لە سوودەکانی تۆوی چیا ئەوەیە کە ١٠ ئەوەندەی ئەو ئاوە دەمژێت کە تێیدایە.
چۆنیەتی ئامادەکردنی تۆوی چیا
بۆ دروستکردنی جێڵێکی چیا، ۱\٤ کوپ ئاو لەگەڵ کەوچکێک تۆوی چیا تێکەڵ بکە، بۆ ماوەی ١٠ خولەک دایبنێ. ئەم قەبارەیە یەکسانە بە یەک هێلکە ئەگەر وەک جێگرەوەی هێلکە بەکاری بهێنیت. دەتوانیت پۆدینگێک دروست بکەیت شیری بادەم و تۆوی چیا تێکەڵ بکە بەڵام تەنها ١ کەوچک بۆ ٢ کەوچک تۆوی چیا بەکاربهێنە چونکە ڕیشاڵی زۆرە.
سوودەکانی تۆوی کولەکە
تۆوی کولەکە کە بە پێپیتاش ناسراوە، سەرچاوەیەکی باشە بۆ زۆرێک لە کانزاکان لەوانە زینک. هەروەها توێژینەوەکان ئەوەیان نیشان داوە کە تۆوی کولەکە دەتوانێت یارمەتی کەمکردنەوەی LDL یان کۆلیسترۆڵی خراپ بدات و ڕێگری لە لاوازی ماسولکەکان بکات.
چەند ڕێگایەک بۆ ئامادەکردنی تۆوی کولەکە
- هەندێک تۆوی کولەکە تێکەڵ بکە و بیخە ناو زەڵاتە یان بە کاڵی سووری بکەرەوە یاخود بیبرژێنە.
- تۆوی کولەکە لەگەڵ شیرینی بەکاربێنە.
- تۆویکولەۆە تێکەڵ بکە لەگەڵ سۆسە دروستکراوەکانت.
سوودەکانی تۆوی گوڵەبەڕۆژە
تۆوی گوڵەبەڕۆژە بڕێکی زۆر کانزای تێدایە، ڤیتامین B و دژە ئۆکسێن وەک ڤیتامین E و Selenium. دژە ئۆکسێن یارمەتی کەمکردنەوەی ڕادیکاڵە ئازادەکان دەدات لە لەشدا. ڕادیکاڵە ئازادەکان ماددەیەکی کیمیایی زیانبەخشن کە دەتوانن مەترسی تووشبوون بە نەخۆشی شەکرە و نەخۆشییەکانی دڵ و هەندێک جۆری شێرپەنجە زیاد بکەن.
چۆنیەتی ئامادەکردنی تۆوی گوڵەبەڕۆژە
تێکەڵکردنی لەگەڵ خوێ بە برژاندنی یاخود سوورکردنەوەی بەڵام بڕێکی کەم بۆ کۆنترۆڵکردنی بەکارهێنانی سۆدیۆم. سۆدیۆم یەکێکە لەو کانزایانەی کە زۆر ئاسانە بۆ ئەوەی زۆر بەدەست بهێنیت. زۆربوونی سۆدیۆم دەبێتە هۆی بەرزبوونەوەی پەستانی خوێن و کێشە تەندروستییەکانی دیکە.
سوودەکانی تۆوی کونجی
جگە لە کانزاکان و ڕیشاڵەکان تۆوی کونجی ڕێژەیەکی بەرزی هەیە لە پێکهاتەی سێلینیۆم، کە دژە ئۆکسێنێکە مەترسی نەخۆشی درێژخایەن کەم دەکاتەوە.
چۆنیەتی ئامادەکردنی تۆوی کونجی
لە کاتی دروستکردنی ژەمە خۆراکییەکان زەیتی کونجی یان تۆوی کونجی وەکوو رازاندنەوە بەکاربهێنە.
