ڕەچەڵەکی پێغەمبەر

له‌لایه‌ن: نھاد جلال - به‌روار: 2020-06-16-10:40:00 - کۆدی بابەت: 142
ڕەچەڵەکی پێغەمبەر

ناوه‌ڕۆك

ڕەچەڵەکی پێغەمبەر

پێغەمبەر(د.خ) بە ڕەچەڵەك دەگەڕێتەوە سەر پێغەمبەر ئیسماعیل و ئیبراهیم (علیهم السلام)، پێغەمبەر(د.خ) عەرەب نەبووە لە ڕەچەڵەكدا، بەڵكو باوك و باپیرانی زووتر هاتوون بۆ ناو عەرەب و تێكەڵی عەرەب بوون و ئەوانیش وەك عەرەبیان لێ‌ هاتووە. 

باپیری پێغەمبەر ناوی (عبدالمطلب) بوو، عبدالمطلب منداڵی نەبوو، داوای كرد كە خوای گەورە منداڵی زۆری پێ‌ ببەخشێت یەكێكیان دەكاتە قوربانی بۆ خوا، كاتێك خودا منداڵەكانی پێ‌ دەبەخشێت، عبدالمطلب تیر و پشك دەكات تا بزانێت كامیان بكاتە قوربانی، ئەو كات ناوی یەكێكیان دەردەچێت و كە ناوی عبدالله بوو، بەڵام نە باوكی و نە براكانی عبدالله حەزیان نەدەكرد عبدالله سەر ببڕدرێت، بۆیە تا سێ‌ جار تیر و پشكیان كردەوە كەچی هەر ناوی عبدالله دەردەچوو، دواتر چوونە لای زانایەك و بە پێی قسەی بڕیاریاندا لە جیاتی عبدالله سەد وشتر سەر ببڕن، بەمە عبدالله ڕزگاری بوو، عبدالله كوڕێكی جوان و باڵابەرز بوو، هەرچی خەڵك بوو حەزیان لە جوانی عبدالله بوو، عبدالله كچێكی هێنا و بوو بە هاوسەری كە ناوی ئامینە بوو، ئامینەش كچێكی هێدی و جوان و ژیر بوو، بنەماڵەیەكی ناسراو و ڕێك و پێكی هەبوو. 

عبدالمطلب لە لایەن خواوە بیری زەمزەمی پێ‌ بەخشرا، ئەو كەسێكی ناسراو و ناوداری نێو مەككە بوو و هەمووان ڕێزیان لێ‌ دەگرت. 
جارێك عبدالله دەچێت بۆ بازرگانی و لە ڕێگادا دەمرێت،  كەچی پاش ماوەیەكی كەم لە دوای مردنی ئامینەی خێزانی منداڵێكی دەبێت و هەمووان پێی دڵخۆش بوون، عبدالمطلب  لە خۆشیدا كەنیزەكێكی ئازاد كرد و ناوی منداڵەكەی نا (محمد) واتا سوپاسكراو،  ئەو محمدەیش پێغەمبەری ئازیزی ئێمە بوو كە لەگەڵ لە دایك بوونیدا بڕیاری گۆڕانی مرۆڤایەتی داو كەوتە كار، پێغەمبەرێك كە باوكی خۆی نەبینی و بە بێ‌ برا و خوشك دونیای بینی و هاتە دونیا، ئەو ڕۆژەش ناسراوە بە ڕۆژی لە دایك بوونی پێغەمبەر محمد(د.خ).

تێبینی

پێش ئەوەی پێغەمبەر(د.خ) لە دایك بێت كەسێكی ستەمكار بەناوی ئەبرەهە بینایەكی دروست كرد لە ناوچەی خۆی لە جیاتی كەعبە و فیلی زۆری كۆكردەوە و لەگەڵ سوپایەكدا و هات بۆ لەناوبردنی و ڕووخاندنی، كەعبەی پیرۆز، بەڵام خوای گەورە كۆمەڵێك باڵندەی بۆ ناردن كە بەردی بچووكیان پێ‌ بوو و لە ئاسمانەوە بەردەكانیان فرێ‌ دا بەسەر فیل و سەربازەكاندا و سوپاكەی ئەبرهە لە ناوچوو خوای گەورە كەعبەی پاراست لە دەستی ئەو خراپەكارانە. 

پێغەمبەر(د.خ) لە ڕۆژی لە ڕۆژی دوو شەممە لە 12ی مانگی ربیع الاول لە دایك بووە .


سەرچاوەکان

1565 بینین