كه‌ر له‌ گێتی زینده‌وه‌ردا

له‌لایه‌ن: عه‌لادین سجادی - به‌روار: 2020-12-06-13:36:00 - کۆدی بابەت: 604
كه‌ر له‌ گێتی زینده‌وه‌ردا

ناوه‌ڕۆك

دهربارهی گێتی زیندهوهر 

په‌رتوكی " گێتی زینده‌وه‌ر " یه‌كێكی دیكه‌ له‌ شاكار و نووسراوه‌كانی نووسه‌ر و زانای گه‌وره‌ی كورد ( عه‌لادین سه‌جادی )یه‌ ، كتێبی گێتی زینده‌وه‌ر كتێبێكه‌ دنیایه‌كی سه‌ربه‌خۆی گرتووه‌ له‌ باره‌ی گیانله‌به‌ران ، دار و دره‌خت ، كه‌ڵك و نرخیانه‌وه‌ ، هۆش و بیریانه‌وه‌ ، چۆنیه‌تی ژینیانه‌وه‌ ، ئه‌و شتانه‌ تیایانا هه‌ن ، ئه‌و به‌رهه‌مانه‌ی كه‌ ئه‌یده‌ن ، ئه‌و كارانه كه‌ ئه‌یكه‌ن ، ئه‌و سروشتانه‌ كه‌ هه‌ر هه‌ن  .

ناساندن

كه‌ر حه‌یوانێكی به‌سته‌زمانی گوێڕایه‌گه‌ڵه‌ ، هه‌چه‌ی لێ بكه‌ ئه‌ڕوا ، هۆشی لێبكه‌ ئه‌وه‌ستێت ، زۆر بورده‌باره‌ ، هه‌موو له‌شی وه‌كو ته‌زی بێ وایه‌ ، زۆر سارد و له‌سه‌رخۆیه‌ ، ئه‌گه‌ر جارێك به‌ڕێگایه‌كدا ڕۆیشتبێت بیری ناچێته‌وه‌ ، ئه‌گه‌ر كاروانچی ڕێگا بزر كا كه‌ر ئه‌خاته‌ پێش كاروانه‌كه‌ ، كه‌ره‌كه‌ هه‌م ڕێگاكه‌ ئه‌زانێ هه‌م ئه‌شزانێت چ شوێنێك به‌كه‌ڵكی ڕۆشتن دێت ، ئه‌گه‌ر شوێنێ به‌كه‌ڵكی ڕۆیشتن نه‌هات كلك و گوێو سه‌ری ئه‌خاته‌ جووڵه‌ جوڵ ، ئه‌گه‌ر گوێی بئاخنێ نازه‌ڕێ ، ئه‌گه‌ر به‌رازی تینوو ببه‌ستن به‌ پشتی كه‌ره‌وه‌ كه‌ كه‌ره‌كه‌ ئاوی خوارد به‌رازه‌كه‌ ئه‌تۆپێت ، له‌كاتێك كه‌ كه‌ر ئه‌زه‌ڕێنێ سه‌گ دانی ئاڵ ئه‌بنێت و پشتی ژان ئه‌كات .


سەرچاوەکان

191 بینین