ناوه‌ڕۆك
قەبزی (constipation)
بۆ ئەوانەی تووشی وشکی ڕیخۆڵەکان و قەبزی دەبن ئەوانە بەسوودن و چارەسەرن:
(سیر - گیامارە - سەنامەکی - کولەکەی مرەبا - هەنجیر - سڵق - چەوەندەر - ڕۆنی زەیتوون - ئوستو خودوس - جۆ دووسەر - زەیتی بادەم - فلوس - سپێناغ - کاهوو - ئوکالیبتۆس - لۆبیای سوور - ڕەشکە - سەوزە - جۆ بە شیر - ڕێحانەی سەوز - گیا هەوێدار - سوپی گێزەر - زرشک - تۆوی کەتان - ترێی سپی - زەیتی کەتان - کەنگر بە شیر - بادەم بە شیر - کولەکە - شلیک - توێکڵی پرتەقاڵ - ئاوی تەڕەتولە - کونجی پێش نان خواردن - زەیتی گوڵە بەڕۆژە - گوڵی سوور بە دۆ - تۆوی بامیە پێش نان -وەرزشکردن - حەمام کردن).
تێكەڵەی چارەسەر
ئەگەر بەیەک دوانێک لەوانە چاک نەبوو ئەو تێکەڵە دروست بکات:
-(بێژان یەک بەش + سەنامەکی یەک بەش + زیرە یەک بەش) هەرسێکیان لێک بدرێت و وورد بکرێت، پڕ کەوچکێک دەم بکرێت دوای سارد بوونەوە بخورێتەوە شەوان دوای نان.
-(ڕۆنی گەرچەک (٥)گرام + ڕۆنی بادەم (٤٠)گرام + ڕۆنی کونجی (٥٠) گرام + ڕۆنی دەنکە پەموو (٢٠)گرام + ڕۆنی کاکڵە گوێز (١٥)گرام) هەموویان لێک بدرێت و ڕۆژی دووجار پڕ کەوچکێک بخورێتەوە، پارێز بکرێت لە خواردنی قورس وە ئاگاداری ڕێکی مەزاجەکان بکرێت.
١-وەنەوشە + گوڵی سوور + سەنامەکی + هلیلەی ڕەش و زەرد + ترنجبین.
٢-گوڵی سوور + گوڵی تۆڵەکە + گوڵی وەنەوشە + ڕازیانە + گژنیژ + تاجریزی.
