پێدەشتی کارمامزە کوژراوەکان

له‌لایه‌ن: - محەمەد ڕزگار محەمەد ڕزگار - به‌روار: 2022-06-24-15:15:00 - کۆدی بابەت: 9146
پێدەشتی کارمامزە کوژراوەکان

ناوه‌ڕۆك

ناساندن

پێدەشتی کارمامزە کوژراوەکان ڕۆمانێکی شێرزاد حەسەنە کە لە نێوان ساڵەکانی ١٩٨٣ تا ١٩٩٦ نووسراوە.

چیرۆک

حەیرانبێژێک بەناوی بایز ئەوینداری هەمین دەبێت کە سەرتۆپی کچەکانی گوندە و دڵی هەموو کوڕانی بردووە و ئاغاش بە هیوایەتی؛ بەڵام هەمینیش دڵی لای بایزە و ڕەدووی دەکەوێت و دێنە هەولێر دەژین و لەوێ بە هەژاری و بە دزی و ترس و لەرز ژیان بەسەر دەبەن، بایز ڕاوی ڕەشۆڵان دەکات و هەمینیش کاری ماڵە دەوڵەمەندان دەکات تا ئەویکە لە شەوێکی ساردا هەمین ناگەڕێتەوە ماڵ.

کەسایەتییەکان

  • دەروێش بایز
  • هەمین
  • سڵێوە
  • کەریم مەیتەر
  • هۆمەری سەرکار
  • باپیرئاغا
  • خدر
  • کانەبی

چاپەکان

  • چاپەمەنیی مانگ
  • ناوەندی غەزولنووس
  • دەزگای ئاراس - لەگەڵ سەرجەمی بەرهەم ٢ (ڕۆمانەکانی شێرزاد حەسەن)
  • ماڵی وەفایی (کۆڕۆمان)

کورتە

ئا.. ئەمن شێتم چونکە قوماشی کورتەک و شەڕواڵەکەم ئینگلیزی نییە، جەمەدانی بە گوڵینگە و کڵاوی بە باق و بریق لەسەر نانێم، شێتم چونکە هەر وەختێ زەوقم هەستا حەیران و لاوکی خۆم دەرێم و سواری تۆ دەبم، شێتم چونکە ڕەشۆڵان ڕاو دەکەم و دەرخواردی ئارەقخۆرەکانی دەدەم.


سەرچاوەکان

162 بینین