ناوه‌ڕۆك
سەرەتا
فەلافل (بە عەرەبی: فلافل، بە ئینگلیزی: Falafel) یەکێکە لە خواردنە خێراکان و تامێکی خۆشی هەیە، بۆ سەرکار و میوانداری و ژەمی بەیانیان و نیوەڕوان ئامادە دەکرێت.
کەرەستەکانی
- نیو کیلۆ نۆك
- سەلکێک پیازی جنراو
- دوو دەنک سیری کوتراو
- نیو دەسک کەرەوزی جنراو
- کەوچکێکی چێشت بەهاراتی تێکەڵ و ئاڵەتی ڕەش
- کەوچکێک بەهاراتی فەلافل
- خوێ بەپێی پێویست
- ڕۆن
- کەوچکێکی چا سۆدەی نان
ئامادەکردنەکەی
سەرەتا دەبێت نۆکەکە بۆماوەی زیاتر لە شەش کاتژمێر لە ئاودا بخوسێنرێت، باشترە شەوەکەی بخرێتە ئاوەوە.
دوای خوسانی نۆکەکە دوو جار ئاوی پێدا دەکرێت و لەگەڵ پیاز و کەرەوزەکە دەکرێتە ئامێری هاڕینی نۆکەوە "مەکینەی تایبەت بە قیمەیە". دواتر خوێ و سۆدە و بەهارات و کەرەستەکانی تری تێکەڵ دەکرێت و بە جوانی دەشێلدرێت. هەویرەکە بەش بەش دەکرێت و دەخرێتە قاڵبی فەلافلەوە، لە تاوەیەکدا ڕۆنی بۆ دەقرچێنرێت و فەلافلەکانی تێدا سووردەکرێتەوە.
لە کۆتاییدا بە گەرمی و لەگەڵ قاشی تەماتە و خەیار و کەلەرم و سۆس و سەموون پێشکەش دەکرێت.
سەرچاوەکان
1791 بینین
