ناوه‌ڕۆك
سەرەتا
خۆشەویستی و دەرمانەکانی تر (بە ئینگلیزی: Love & Other Drugs) فیلمێکی ئەمریکی چەشنی ڕۆمانسیی کۆمیدی ساڵی ٢٠١٠ـیە، لەلایەن ئێدوارد زویک (Edward Zwick)ـوە دەرهێنراوە و بەرهەمهێنراوە. چیرۆکی فیلمەکە لەلایەن چاڕڵس ڕێندۆف (Charles Randolph)، ئێدواڕد زویک (Edward Zwick) و ماڕشەڵ هێرسکڤیتزەوە (Marshall Herskovits) نووسراوە. فیلمەکە لە ٢٤ـی تشرینی دووەمی ساڵی ٢٠١٠ لە سینەماکاندا لەلایەن کۆمپانیای (20th Century Fox) نمایشکرا و داهاتی ١٣٠ ملیۆن دۆلاری لە بەرانبەر بودجەی ٣٠ ملیۆن دۆلاردا بەدەستهێنا. هاوکات فیلمەکە لە سایتی IMDb خاوەنی نمرەی (٦.٧) و لە کاتژمێرێک و ٥٢ خولەک پێکهاتووە. هەروەها براوەی یەک خەڵات و پاڵێوراوی چوار خەڵاتی تر بووە.
چیرۆکی فیلمەکە
لە ساڵانی (١٩٩٠)ـدەکاندا؛ فرۆشیارێکی دەرمان پەیوەندی لەگەڵ ژنێکی گەنجدا دەبەستێت کە دووچاری نەخۆشی پارکینسن بووەتەوە.
چیرۆکی فیلمەکە (سپۆیڵ)
ماگی کچێکی سەربەست و ئازادە کە ڕێگە بە هیچ کەس و شتێک نادات بەخۆیەوە بیبەستێتەوە؛ بەڵام جووتە لێکچووەکەی خۆی بەناوی جەیمی دەدۆزێتەوە و یەکتری دەناسن، کە خاوەن کەسایەتییەکی سەرنجڕاکێش و بێ هەڵەیە و وادەکات ئافرەتان سۆز و خۆشەویستی پێ بدەن. پەیوەندییە پەرەسەندووەکەی ماگی و جەیمی هەردووکیان تووشی سەرسڕمان دەکات چونکە خۆیان لەژێر کاریگەری گەورەترین و کاریگەرترین دەرماندا کە خۆشەویستییە دەدۆزنەوە.
کەسایەتییەکانی ناو فیلمەکە
- ئان هاسەوەی (Anne Hathaway) لە ڕۆڵی ماگی.
- جەیک گیڵنهۆڵ (Jake Gyllenhaal) لە ڕۆڵی جەیمی.
- ئۆلیڤەر پڵات (Oliver Platt)
- هەینک ئەیزێریا (Hank Azaria)
- جۆش گێد (Josh Gad)
- گابریەل ماخت (Gabriel Macht)
- جودی گریر (Judy Greer)
- جۆرج سیگڵ (George Segal)
- جیڵ کلەیبێڕگ (Jill Clayburgh)
- نیکی دێڵۆوچ (Nikki DeLoach)
- کاسرین وینک (Katheryn Winnick)
- ناتالی گۆڵد (Natalie Gold)
- مایکڵ چێڕنس (Micheal Chernus)
- مایکڵ بەفەڕ (Micheal Buffer)
- بینگۆ ئۆ مێڵی (Bingo O’Malley)
- جەیمی ئاڵێگزەندەر (Jaimie Alexander)
