ناوه‌ڕۆك
ناساندن
کاریگەری میدیا لەسەر گەنجان (بە عەرەبی: تأثير وسائل الإعلام على الشباب، بە ئینگلیزی: The impact of the media on young people)، میدیا بە شێوازە جۆراو جۆرەکانیەوە کاریگەری جیاوازی هەیە لە سەر چینەکانی کۆمەڵگە، بە تایبەتی چینی گەنجان، ئەمەش بەهۆی بەکارهێنانی زۆر بۆ پڕرکردنەوەی کاتەکانی ژیانی ڕۆژانەیان.
کاریگەری جۆرەکانی میدیا لەسەر گەنجان
١-کاریگەری ئینتەرنێت لەسەر گەنجان:
ئینتەرنێت چەندین تایبەتمەندی هەیە کە یارمەتی گەنجان دەدات بۆ دەستگەیشتن بە زانیارییە پەروەردەییەکان بە ئاسانی، بۆیە ئینتەرنێت بە کتێبخانەیەکی ئەلیکترۆنی گەورە دادەنرێت، بەڵام لە زۆر حاڵەتدا بە سەرچاوەیەکی متمانەپێکراو بۆ زانیاری دانانرێت، هەروەها ئەو بڕە کاتەی کە تاکێک لە بەکارهێنانی کۆمپیوتەر و مۆبایل بەسەری دەبات دەتوانێت کاریگەری لەسەر کارامەییەکانی کۆمەڵایەتی هەبێت، هەروەها دەتوانێت کاریگەری لەسەر گەشەکردنی جەستەیی هەبێت، زۆرجار بەکارهێنانی زیادەڕۆیی لە ئینتەرنێتدا بە تێپەڕبوونی کات ئالوودەبوونێک بۆ تاکەکەسەکە دروست دەکات، کە لەوانەیە ببێتە هۆی قەڵەوی و زیانەکانی تری تەندروستی.
٢-کاریگەری تەلەفزیۆن لەسەر گەنجان:
سەیرکردنی تەلەفزیۆن کاریگەری ئەرێنی و نەرێنی لەسەر کۆمەڵگا بەگشتی و بەتایبەتیش لەسەر گەنجان هەیە، بەو پێیەی بەرنامە تەلەفزیۆنییەکان دەتوانن کاریگەری نەرێنییان لەسەر بێت، بەهۆی نمایشکردنی چەند دیمەنێکی نەشیاوی پڕ لە توندوتیژی و قسەی نەشیاو، لە بەرامبەردا گەنجان دەتوانن فێری وانەی بەنرخ ببن سەبارەت بە بنەما کۆمەڵایەتییەکان، ئەخلاقی باش، بۆ فێربوونی زانیاری بەسوود لە بوارە جیاوازەکانەوە، وەک بیرکاری و زمانە سادەکان، ڕەنگە هەندێک بەرنامە هاندەری خواستی بینەری گەنج بن بۆ سەردانی کتێبخانەکان، مۆزەخانەکان، بەڵام سەیرکردنی تەلەفزیۆن بۆ ماوەیەکی زۆر لەوانەیە کاریگەری لەسەر ئەدای ئەکادیمی هەبێت.
٣-کاریگەرییەکانی تری میدیا لەسەر گەنجان:
دەزگاکانی ڕاگەیاندنی جۆراوجۆر، وەک ڕۆژنامە و گۆڤار و ڕادیۆکان ڕۆڵێکی سەرەکی دەگێڕن لە دروستکردنی هۆشیاری لای گەنجان، تۆڕە کۆمەڵایەتییەکانی سەر ئینتەرنێتیش ئاستی ڕۆشنبیری و پەروەردەیی تاکەکەس بەرز دەکەنەوە، لە بەرامبەردا لەوانەیە نیشاندانی وێنە یان ڤیدیۆ کلیپی نەشیاو، هەروەها بوونی هەندێک لە ماڵپەڕ و وێستگە کە ناوەڕۆکی هێرشبەرانەیان هەیە کە تۆوی ڕق و کینە لە نێوان مرۆڤەکاندا دەچێنێت لە کۆمەڵگە جیاوازەکاندا، لەوانەیە بێزاریان بکات.
٤-پراکتیزەکردنی چالاکییەکان دوور لە میدیا:
بەکارهێنانی میدیا بەشێکی دانەبڕاوە لە ژیانی مۆدێرن، بەڵام دەبێت هاوکاری گەنجان بکرێت بۆ تێگەیشتن و زانینی ئەو شتانەی کە شایەنی گرنگیدانن دوور لە میدیا، کە لەوێدا دەتوانن بەشداربن لە کۆمەڵێک چالاکیی جەستەیی و داهێنەرانەدا کە ئامانجیان پەرەپێدانە ، یان هاندەدرێن بۆ بەشداریکردن لە چالاکییە کۆمەڵایەتییەکان، چونکە تواناکانی پەیوەندیکردنیان بەشدارە لە ناساندنیان بە کەسانی ئەرێنی کە دەتوانرێت بە نموونە هەژمار بکرێن.
