پڵنگ له‌ گێتی زینده‌وه‌ردا

له‌لایه‌ن: عه‌لادین سجادی - به‌روار: 2020-12-03-23:10:00 - کۆدی بابەت: 577
پڵنگ له‌ گێتی زینده‌وه‌ردا

ناوه‌ڕۆك

ده‌رباره‌ی گێتی زینده‌وه‌ر 

به‌رتوكی " گێتی زینده‌وه‌ر " یه‌كێكی دیكه‌ له‌ شاكار و نووسراوه‌كانی نووسه‌ر و زانای گه‌وره‌ی كورد ( عه‌لادین سه‌جادی )یه‌ ، كتێبی گێتی زینده‌وه‌ر كتێبێكه‌ دنیایه‌كی سه‌ربه‌خۆی گرتووه‌ له‌ باره‌ی گیانله‌به‌ران ، دار و دره‌خت ، كه‌ڵك و نرخیانه‌وه‌ ، هۆش و بیریانه‌وه‌ ، چۆنیه‌تی ژینیانه‌وه‌ ، ئه‌و شتانه‌ تیایانا هه‌ن ، ئه‌و به‌رهه‌مانه‌ی كه‌ ئه‌یده‌ن ، ئه‌و كارانه كه‌ ئه‌یكه‌ن ، ئه‌و سروشتانه‌ كه‌ هه‌ر هه‌ن .

ناساندن 

پڵنگ حه‌یوانێكی زۆر تووڕه‌ و ته‌بیعه‌ت تونده‌ ، دوژمنی هه‌موو حه‌یوانێكه‌ ، زۆر به‌گوڕه‌و له‌باز دانا له‌ هه‌موو حه‌یوانێك له‌پێشتره‌ ، ڕاوچی كه‌تفه‌نگی تێ ئه‌گرێ ئه‌گه‌ر به‌و یه‌كه‌م گوله‌یه‌ نه‌یكوژێ تازه‌ ڕۆژی ئه‌و كابرایه‌ كوڵاوه‌ به‌ ده‌ست ئه‌و پڵنگه‌وه‌ ، چونكه‌ له‌گه‌ڵ ته‌قه‌دا ئه‌و حازره‌ له‌سه‌ری ، ئه‌گه‌ر پێكای ئه‌وا پێكای ئه‌گه‌ر نه‌یپێكا ئیتر ئه‌و ئه‌م ئه‌گرێ زۆر به‌خۆی ئه‌نازێ ، ڕه‌نگی پێسته‌كه‌ی خه‌ت خه‌ت و جوانه‌ ، برسی بێت یان تێربێت هه‌ر په‌لامار ئه‌دات ، كه‌تێری خوارد سێ ڕۆژ ئه‌نوێ ، بۆنی ده‌می خۆشه‌ ، په‌راسوه‌كانی پشتی زۆر به‌هێز نین هه‌ر شتێكیان لێ كه‌وێ ئه‌شكێن ، له‌گه‌ڵ مارو ئه‌ژدیهادا به‌ینی خۆشه‌ ، كه‌به‌چكه‌ی ئه‌بێ مارئه‌چێ خۆی ئه‌ئاڵێنێ به‌ ملیا بۆ ئاگادار كردنی ، كه‌نه‌خۆش كه‌وت مشك ئه‌خوات و چاك ئه‌بێته‌وه‌ ، كه‌یه‌كێكی بریندار كرد خۆڵ ئه‌پژێنێ به‌سه‌ریدا بۆئه‌وه‌ی بمرێ . 

به‌كارهێنانی پڵنگ له‌مێژوی كورد دا 

* مووی پڵنگ له‌هه‌ر ماڵێكدا بسوتێنرێت دووپشك ڕوو له‌و ماڵه‌ ناكات . 


سەرچاوەکان

258 بینین