ناوه‌ڕۆك
پلەکانی کاری مامۆستای سەرکەوتوو
ژیان فراوان بووە، ئەرکەکانی تاک زۆر بووە، مرۆڤ پێویست دەکات لە ڕۆژێکدا چەند کاریک ئەنجام بدات، بەڵام ئەوەی گرنگە بزانرێت، کامە کار گرنگە و کامە کار گرنگترە، کامەیان سەرەکییە و کامەیان لاوەکییە، کامیان کاتی هاتووە و کامیان دکرێت دواتر ئەنجام بدرێت، چ کارێک پەیوەندی بە مافی خەڵکەوە هەیە، چ کارێک تەنها تایبەتە بە خودی کەسەکەوە.
پەروەردە و فێرکردن، گرنگی دان بە ئامادەکردنی وانەیەکی بەهێز،بەرزکردنەوەی ئاستی زانستی و پەروەردەیی قوتابی، لە کارە هەرە گرنگەکانی مامۆستان، ناکرێت بە هەر بەهانەیەک و بە هاتنە پێشەوەی هەر کارێکی تر ئەو ئامانجە سەرەکیانە وەلا بنرێت و فەرامۆش بکرێت، بەو واتایەی لە کاتی فەرمی، قوتابخانە جێ بهێڵدرێت و خەریکی ئەنجامدانی کارێکی تر بیت، یاخود لە کاتی دەوامدا خۆ بە کاری تر خەریک بکرێت، مامۆستامان بینیوە لە قوتابخانە کاری فرۆشتنی ئۆتۆمبیلی کردووە، یاخود خۆی خەریک کردووە بە فرۆشتنی خانوو و زەوی، گەلێك جاریش وانەکەی ڕاگرتووە و خۆی خەریک کردووە بە جێ بە جێ کردنی کاری ماڵەوە، ئەمانە و چەندان نموونەی تە، بە بەردەوامی هەموو ساڵێک دووبارە دەبنەوە.
