ناوه‌ڕۆك
زانیاری دەربارەی ددان ڕاستکردنەوەی Orthodontic
لە کۆمەڵگەی ئێمەدا ئاسایی وا باوە کە ئۆرسۆدۆنتیک بە مانای ڕاستکردنەوەی ددان بە مەبەستی جوانییە بەڵام لە ڕاستیدا ئەم زانستە زۆر فراوانترە لەو پێناسەیە و کۆمەڵێ کاری تر دەگرێتەوە. ئۆرسۆدۆنتیک بەشێکە لە زانستی پزیشکی ددان کە مەبەستی ئەم زانستی دروست کردنی پەیوەندی دروست و بێ هەڵەیە لە نێوان پێکهاتەی دەم و چاودا، یان ڕێک کردنەوەی پەیوەندی ناڕێکی نێوانیانە. کاری سەرەکی زانستی ڕێک کردنەوەی بریتییە لە ڕێگری کردن لە دروست بوونی گۆڕانی هەمیشەیی ناڕێک لە پێکهاتەی دەم و چاودا، کە بەهۆی دیاریکردن و پێشگیری و چارەسەری هەموو جۆرە پەیوەندییەکی هەڵە لە نێوان ددانەکان و پێکهاتەی چواردەوریان دەکرێت. ئەوە ڕوون و ئاشکرایە کە ناڕێکی دەم و ددان و ڕوخسار جگە لەوەی جوانی تێک دەدات لەوانەیە کێشەش بۆ هەناسەدان و ئاخاوتن، یان خواردنیش دروست بکات.
