ناوه‌ڕۆك
دوعا کردن لە دوای نوێژەکان
عن أبی أمامة رضي الله عنهما: قِيلَ: يا رسولَ اللهِ ﷺ: أيُّ الدعاءِ أسمَعُ قال جَوفَ الليلِ الآخِرِ ودُبُرَ الصلواتِ المكتوباتِ) رواه الترمذي، پرسیار لە پێغەمبەر ﷺ کرا: ئایا کام دوعا زۆرت قبوڵ ئەبێ؟ فەرمووی: لە ناوەندی کۆتایی شەو و لە دوای نوێژە واجبەکان.
ئینجا بزانە: (الحمدلله) و سەڵاوات لێدان پێش دوعاکردن سوننەتە (عن فضالة رضي الله عنها: دخلَ رجلٌ فصلَّى فقالَ : اللَّهمَّ اغفِر لي وارحَمني ، فقالَ رسولُ اللَّهِ صلَّى اللَّهُ عليهِ وسلَّمَ : عَجِلتَ أيُّها المصلِّي ، إذا صلَّيتَ فقعَدتَ فاحْمَدِ اللَّهَ بما هوَ أَهْلُهُ ، وصلِّ عليَّ ثمَّ ادعُهُ) رواه الترمذي، پیاوێک هاتە مزگەوت نوێژی کرد، ئینجا دوعای کرد و گوتی: خوایە لێم خۆش ببە و ڕەحمم پێ بکە، ئینجا پێغەمبەر ﷺ فەرمووی: پەلەت کرد ئەی نوێژکەر، هەر کاتێ نوێژت کرد، ئینجا دانیشتی، سوپاسی خودا بکە بەو جۆرەی شایەنی گەورەییەتی، واتە: بڵێ: (الحمد لله)، وە سەڵاوات لەسەر من لێبدە، ئینجا دوعا بکە.
