شیعری بۆ شەوی هیجر - مەحوی

شیعری بۆ شەوی هیجر - مەحوی

له‌لایه‌ن: کەماڵ ڕەحمانی - به‌روار: 2021-03-31-03:14:00 - کۆدی بابەت: 3978
شیعری بۆ شەوی هیجر - مەحوی

ناوه‌ڕۆك

بۆ شەوی هیجر

شاعیر/مەحوی

بۆ شەوی هیجر ئەو مەهە وەک ئافتاب
جیسمی وەک ڕۆحی، گڵی کردە حیجاب

بەو جەمالە عیشق و، بەو جاهە حەسەد
هەم دڵی من، هەم دڵی دوشمن کەباب

با وجوودی لێوی شەککەرباری تۆ
بێ وجوودە نەشئە بەخشینی شەراب

بەیتی زاتی تۆ لە دیوانی وجوود
مۆری حەق‌کردە بە نوقتەی ئینتیخاب

بێ حیسابە گەر گوناه، باکم چیە!
حەزرەتی ئەو شافیعە ڕۆژی حیساب

بەر شەفاعەی ئەو شەفیعەم خەی خودا
خۆشم و ئەحباب و ئەهل و داک و باب


سەرچاوەکان

280 بینین