ناوه‌ڕۆك
ناساندن
کوردیی کولیایی ناوی یەکێک لە بنشێوەزارەکانی دیالێکتی کوردیی باشوورییە کە کوردەکانی ناوچەی سونقوڕ و کولیایی قسەی پێ دەکەن. کوردیی کولیایی ئەوەندە بە بنشێوەزاری کوردیی گەڕووسی نزیکە کە زۆر جار بە ناوی بنشێوەزاراوەی کولیایی-گەڕووسی دەناسرێتەوە. ھەروەھا ئەم بنشێوەزارە لەگەڵ بنشێوەزاری گەڕووسی، بە نزیکترین بنشێوەزارەکانی دیالێکتی کوردیی باشووری بە کوردیی ناوەندی بە ئەژمار دێن.
جوگرافیا
کوردیی کولیایی زمانی سەرەکی عێلی کولیاییە و لە ناوچەیەکی گەورەی پارێزگای کرماشان و کۆمەڵێک ناوچەی پارێزگای سنەدا قسەی پێ دەکرێت. سەرەکیترین شوێنی قسەکردن بە بنشێوەزارەکە ناوچەکانی سونقوڕ و کولیاییی پارێزگای کرماشان و شارستانی کامیارانە لە پارێزگای سنە.
کولیایی لەگەڵ کوردیی ناوچەکانی سەحنە و کەنگاوەر و کەرەند و دەهلران زۆر نزیکە، هەروەها کۆمەڵێک دەستەواژە و وشەی هاوبەشی لەگەڵ کوردیی کرماشانی-کەلهوڕی و کوردیی ئیلامی-فەیلی هەیە.
