ناوه‌ڕۆك
ناساندن
یەکێتی جیهانی زانایانی موسڵمانان (بە ئینگلیزی: The International Union of Muslim Scientists، بە عەرەبی: الاتحاد العالمي للعلماء المسلمين)، ڕێکخراوێکی ئایینی ئیسلامیە کە لە ساڵی ٢٠٠٤ دامەزراوە و بارەگای سەرەکی لە قەتەر و دوبلنە. ژمارەیەک لە وڵاتانی عەرەبی ڕێکخراوی IUMS یان وەک ڕێکخراوێکی تیرۆریستی ناونووس کردووە بەهۆی پەیوەندییەکەی لەگەڵ ئیخوان موسلیم، IUMS خۆی بە دامەزراوەیەکی زانستی سەربەخۆ و ڕەوا وەسف دەکات کە کار بۆ گەیاندنی پەیامی ئیسلام دەکات و ڕێنمایی موسڵمانان دەکات بۆ ئەوەی بە شێوەیەکی دروست لە بڕگەکانی ئایینەکەیان تێبگەن، ئەمەش لە ڕێگەی پاراستنی ناسنامەی نەتەوەی موسڵمان و بڵاوکردنەوەی فەلسەفەی مامناوەندی دوور لە توندڕەوی و قوربانیدان بە بنەماکانی نەتەوە.
| کورتکراوەی ناوەکەی | IUMS |
| مەبەست | بڵاوکردنەوەی ئیسلام |
| یەکەم | سەرکردە ئەحمەد ڕەیسوونی |
| سەرۆکی ئێستا ٢٠٢٤ | عەلی قەرەداغی |
مێژوو
لە ساڵی ٢٠٠٤ لەلایەن زانایانی موسڵمانەوە دامەزراوە. بەلایەنی کەمەوە نزیکەی ٩٠,٠٠٠ زانای موسوڵمان لە یەکێتییەکەدا هەن و هەموو ئەو کەسانە قبوڵ دەکات کە گرنگی بە زانستەکانی شەریعەت و شارستانییەتی ئیسلامی دەدەن، یەکێتی جیهانیی زانایانی موسڵمانان نێودەوڵەتی ڕۆڵێکی سیاسی دەگێڕێت لە چارەسەرکردنی کێشەکانی موسڵمانان لە ڕێگەی هەوڵەکانی نێوەندگیرییەوە. بۆ نموونە، ئەوان هەوڵیان داوە لە نێوان لایەنە جۆراوجۆرەکانی میسر پێش ساڵی ٢٠١٣ و یەمەن پێش فراوانبوونی حوسییەکان نێوەندگیری بکەن.
یەکێتییەکی ناوخۆیی یان هەرێمی نییە، یان تایبەت بە نەتەوەی عەرەب و یەکێتی نەتەوەیی و ڕۆژهەڵات و ڕۆژاوایی نییە. بەڵکو نوێنەرایەتی هەموو موسڵمانەکان دەکات لە تەواوی جیهانیی ئیسلامیدا، هەروەها هەموو کەمایەتییە موسوڵمانەکان و گرووپە ئیسلامییەکانی دەرەوەی جیهانی ئیسلامی دەگرێتە خۆی. یەکێتی جیهانیی زانایانی موسڵمانان دامەزراوە بۆ بەرەوپێشبردنی دیالۆگی نێوان زانایانی موسڵمان لە هەموو لایەنەکان وهەندێک لە کەسایەتییە شیعە دیارەکانیش دەگرێتەوە.
جێگری سەرۆک
- عەبدوڵڵا بن بەیاح
- ئەحمەد بن محەمەد ئەلخەلیلی (موفتی گەورەی عومان)
کەسایەتییە دیارەکانی تر
- فەیسەڵ مەلاوی
- جەمال بەدەوی
- عیسام ئەلبەشیر
بارەگا
بارەگای سەرەکی یەکێتی جیهانیی زانایانی موسڵمانان لە ناوەندیی ڕۆشنبیری ئیسلامی ئێرلەندا لە نزیک دوبلن لە ئێرلەندا بوو، بەڵام ئێستا (٢٠٢٤) لە شاری دەوحەی پایتەختی قەتەڕە. لەگەڵ نووسینگەی سکرتێری گشتی لە شاری ناسرەن لە میسر.
ناکۆکییەکان
پشتیوانی تیرۆر
ڕێبەری پێشووی یەکێتی جیهانی زانایانی موسڵمانان یوسف قەرزاوی کە لەلایەن میدیا ئێرلەندییەکانەوە بە ئایینزانی تیرۆر ناودەبرێت، قەدەغەکرا بچێتە چەند وڵاتێکەوە لەوانە ئەمریکا و بەریتانیا و فەڕەنسا سەرەڕای ئەوەی پاسپۆرتی دیپلۆماسی قەتەری هەیە. قەرزاوی لە گەشتکردن بۆ ئەمریکا و بەریتانیا قەدەغەکرا بەهۆی پشتیوانیکردنی لە گرووپە ئایینییەکانی نموونەی حەماس.
هەڵبژاردنی سەرۆکی نوێ
یەکێتی ئیسلامی نێودەوڵەتی زانایەکی کوردی وەک سەرۆکی خۆی هەڵبژارد دوای مردنی سەرۆکی پێشووی، یوسف قەرزاوی. گرووپەکە پەیوەندی بە ئیخوانی ئیسلامییەوە هەیە و لەلایەن قەتەر و تورکیاوە پشتگیری دەکرێت. عەلی قەرەداغی، زانایەکی کوردی پارێزگای سلێمانی هەرێمی کوردستانە، بۆ چەندین ساڵ وەک سکرتێری گشتی یەکێتی نێودەوڵەتی زانایانی موسڵمان (IUMS) خزمەتی کردووە و بۆ چەند خولێک ئەو بە پێشڕەو و سەرۆکی گرووپەکە دانرا.
