ناوه‌ڕۆك
ناساندن
فۆلیک ئەسید پێکهاتەی سەرەکی ڤیتامین Bـەکانە، بەتایبەت ڤیتامین (B9) ڤیتامینێکە بە چارەسەرێکی گرنگ دادەنرێت، کە چەندین کرداری گرنگ لە لەشدا جێبەجێ دەکات، بە شێوەیەکی سرووشتی لە زۆر خواردندا دەدۆزرێتەوە و بوونی هەیە
گرنگی فۆلیک ئەسید بۆ لەش
ـ لە دابەشکردنی خانەدا ڕۆڵێکی گرنگ دەبینێت، هەروەها لە دروستکردنی خڕۆکە سوورەکانی خوێن ڕۆڵ دەگێڕیت، ڤیتامینێکی زۆر گرنگە کە لە ئاستی پێویستدا بەکاردەهێنرێت.
ـ مێتابۆلیزمی دروستبوونی فۆلیک ئەسید لە جگەردا هەیە واتە جگەر دروستی دەکات، یارمەتی جەستە دەدات بۆ دروست بوون و پاراستنی خانە نوێیەکانی جەستە، یارمەتی جەستە دەدات بۆ ڕێگریکردن لە گۆڕانکارییەکانی DNA کە هەندێک جار بەهۆی گۆڕانکاری DNA کەسەکە تووشی شێرپەنجە دەبێت.
گرنگی و سوودەکانی بۆ ئافرەتان
ـ بەپێی ئەو توێژینەوانەی کە ئەنجام دراون پێویستە ئافرەت مانگێک پێش ئەوەی دووگیان بێت، دەبێت ڕێژەی تەواوی ترشی فۆلیک بخوات و لەسەر بەکارھێنانیشی بەردەوام بێت تاوەکو چوار ھەفتەی سەرەتای دووگیانی.
- فۆلیک ئەسید یارمەتی ژنی دووگیان دەدات بۆ پاراستنی کۆرپەکەی لەو کەموکوڕیانەی لە کۆئەندامی هەستە دەماردا دروست دەبن بە تایبەتی بۆ بڕبڕەی پشت و مێشکی منداڵەکە زۆر گرنگە.
- بۆ بەهێزکردن و درێژبوونی گەشەی قژ و نینۆک زۆر بەسوودە.
ـ بۆ ئەو ئافرەتانەی کێشەی لەبارچوونی منداڵیان هەیە دەتوانن بەکاریبهێنن بۆ بەرگریکردن لە بوونی پێشوەختەی منداڵ.
ـ منداڵەکە دەپارێزێت لە تووشبوون بە ئۆتیزم.
ـ یارمەتی ئافرەتی دووگیان دەدات کە منداڵەکەی بە سروشتی لەدایک ببێت.
- پێویستە ئافرەتان گرنگی بە نانی بەیانی بدەن چونکە نانی بەیانی بەشێکی زۆری ماددەی فۆلیکی تێدایە کە یارمەتیدەری دروستبوونی فۆلیک ئەسیدە لە لەش.
- ئەو خانمانەی دایت دەکەن بۆ دابەزاندنی کێشیان، پێویستە ڕۆژانە کوپێک شیر بخۆنەوە کە یارمەتیدەرە بۆ دەستکەوتنی بڕێکی باشی فۆلیک ئەسید.
ـ لەکاتی سووڕی مانگانە ئافرەتان پێویستیان بە فۆلیک ئەسید هەیە، چونکە پارێزگاری دەکات لە خوێنبەربوون یاخود پارێزگاری دەکات لە درێژبوونەوەی ماوەی سووڕی مانگانە.
- زۆربەی کات ئافرەتان تووشی خاڵ و لەکەی سەرپێست دەبن یاخود تووشی کێشەی گۆڕانی پێست یان ئەو ئافرەتانەی دەکەونە تەمەنەوە خاڵ لەسەر ڕووخساریان دروست دەبێت، فۆلیک ئەسید یارمەتی دەدات لە چارەسەرکردنی گرفتی ئەو کێشانە.
