ناوه‌ڕۆك
بەم شێوەیە خۆت لە کەڕووی پێیەکان ڕزگار بکە
فتریات (کەڕوو)ی پێیەکان یەکێکە لەو جۆرە نەخۆشییانەی دووچاری مرۆڤ دەبێتەوە، (بە تایبەتی پیاوان)، ئەمەش بەهۆی ئەو ماندوبوون و زیاد بەکارهێنانی پێیە لە کاتی لێخوڕێنی ئۆتۆمبێل و کاتی دەوام، کە پێویستە بۆ ماوەیەکی زۆر پێیەکانت بەکار بێنیت و لە ناو پێڵاویشدا بێت.
لێرەدا سێ جۆرە چارەسەری کەڕووی پێیەکان باس دەکەین
یەکەم: ئەو شوێنەی کەڕووەکەی کردووە، بە کەمێک ماست جوان بیشێلە و تا ماوەیەک لێی گەڕێ تا وشک دەبێتەوە، پاشان بیشۆ، ئەم کارە ڕۆژانە بیکە، هەروەها شیری بزنیش بخۆیتەوە، ئەگەر بکرێت ڕۆژانە ئەوەش بکەیت زۆر باشترە.
ماست بەکتریای چالاکی تێدایە، کە ناوی برۆبیوتیکە و کاریگەرییەکی زرۆی هەیە بۆ چاککردنەوە و نەهێشتنی کەڕوو.
دووەم: سیر ورد بکە و لەگەڵ ئاوی گەرم تێکەڵی بکە، پاشآن ئەو تێکەڵەیە بدە لە شوێنی کەڕووەکە و کەمێک بیشێلە، دواتر ماوەی ١٥ بۆ ٢٠ خولەک لێی گەڕێ، پاشان زەیتی زەیتوون بکە بەسەریدا و کەمێک بیشێلە و لێی گەڕێ تا وشک دەبێتەوە، ئینجا بیشۆ، ئەگەر بکرێت ڕۆژانە ئەمەش بکەیت زۆر باشترە.
سێیەم: لە ناو جامێکی گەورەدا سرکەی سێو و کەمێک ئاو تێکەڵ بکە، پاشان شوێنی کەڕووەکە، جا پێیەکان یان دەستەکان، بۆ ماوەی نیو سەعات لە ناویدا دابنێ و دواتر بە ئاو بیشۆ.
ئەم شێوازانە بە گوێرەی زانیارییە پزیشکییەکان نووسراون، بەڵام هەندێک کەس هەیە هەستیاری بەو شتانە هەیە، بۆیە باشتر وایە سەرەتا پرسیاری پزیشکی تایبەتی بکرێت، ئینجا ئەنجام بدرێت.
