واتای زاراوەی بزاوتی کۆمەڵایەتی پێکهاتەیی

شیکاری زاراوەی بزاوتی کۆمەڵایەتی پێکهاتەیی

زۆربەی بزاوتە کۆمەڵایەتییەکان کە لە وڵآتە پیشەسازییە مۆدێرنەکاندا ئەنجام دەگرێ، بزاوتی کۆمەڵایەتی پێکهاتەینن، کاتێ پێکهاتەی کۆمەڵگا بە بۆنەی ڕووداوی وەکو داهێنان گەشەی شارەکان، شەڕ، گەشە و قەیرانی ئابووری، بەدیهێنانی کاری نوێ یان لەناوچوونی کارە کۆنەکان تووشی گۆڕانکاری دێ، چین و پێگەکانی کۆمەڵگا سەرو ژێر دەبن و کۆمەڵگا تووشی بزاوتی کۆمەڵایەتی پێکهاتەیی دەبێ، ئاکامی ئەم ئاڵ و گۆڕانە ئەوەیە کە زۆربەی خەڵکی بە بێ هەوڵ و کۆششی خۆیان یان بەرەو سەر هەڵدەکشن واتە پلەیان بەرز دەبێتەوە یاخود بەرەو چینی خوارتر دادەبەزن.

سەرچاوەکان

1. بۆردی نوسەرانی ئینسکلۆپیدیای زانیاری
2. فەرهەنگی شیکاری زاراوەکانی دەروونناسی