ناوه‌ڕۆك
هه‌واڵنێران فلته‌ره‌كانی هه‌واڵن
یه‌كه‌مین فلته‌ر كه به‌ربه هه‌ندێ له هه‌واڵه‌كان ده‌گرێت هه‌واڵنێره ئه‌ویش هه‌واڵنێرێك كه ئاشنای به‌هاكانی هه‌واڵ بووه و به‌پشتیوانی ئه‌وانه‌وه هه‌ندێ له ڕووداوه‌كان ناگوێزێته‌وه باشه ئێستا كه زانیت سه‌رجه‌م هه‌واڵنێره‌كان به‌زانایی یا نه‌زانی هه‌ندێ له ڕووداوه‌كان سانسۆر ده‌كه‌ن، وه‌ره پێكه‌وه سه‌رێك له دنیای میدیاكانی خۆراوا بده‌ین شوێنێك كه سه‌ره‌ڕای (7) حه‌وت فیلته‌ره‌كه‌ی پێشوو هه‌واڵنێره‌كان به‌سود وه‌رگرتن له (5) فلته‌ریتر ڕووداوه‌كان هه‌ڵده‌بژێرن بۆ گۆڕینیان بۆ كردنه هه‌واڵ، كاتێك كه تۆمان به ئه‌م پێنج به‌هایه ئاشنا كرد ئه‌و كاته ده‌زانیت كه خه‌ڵكانی جیهانی سێیه‌م تا چه‌ند له ژێر كاریگه‌ری بۆمبارانی زانیاریی و هه‌واڵه‌كانی میدیاكانی خۆرئاوادان و خۆشیان ئاگایان لێی نییه، به‌دڵنیاییه‌وه دوای ئاشنا بوون به‌م (5) فلته‌ره به جۆرێكیتر ده‌نۆڕیته هه‌واڵه‌كانی میدیای دنیای خۆرئاوا نۆڕینێكی لێوان لێو له ڕه‌شبینی كه هه‌ندێكجار ترس و له‌رزی له‌گه‌ڵدایه.
