ئێوارەیەک - شێرکۆ بێکەس

له‌لایه‌ن: - لەنیا کەریم - به‌روار: 2022-05-10-23:40:00 - کۆدی بابەت: 8600
ئێوارەیەک - شێرکۆ بێکەس

ناوه‌ڕۆك

ئێوارەیەک

شاعیر: شێرکۆ بێکەس

بەرهەم: مێرگی زام مێرگی ھەتاو

شیعر: ئێوارەیەک

هەزار ڕێکەوت، بوون بە هەزارشەوی مقەست
باڵیان کردم. 
هەزار ڕێکەوت، بوون بە هەزار
دەستی کۆست و
قفڵیان کردم
هەزار ڕێکەوت، بوون بە هەزار
دارە مەیت و
هەڵیان گرتم. 
بەڵام تاقە ڕێکەوتەکەی تۆ بوو
ئێوارەیەک
بوو بە ئاسمان
بوو بە کلیل
بوو بە لانکە و
بووم بە شیعرێکی نوێ تر و
دەم بە گۆرانیی هاتمەوە!


سەرچاوەکان



507 بینین