ناوه‌ڕۆك
ناساندن
خۆشەویستی (بە ئینگلیزی: Love، بە عەرەبی: حب) مەودایەکی فراوان لە هەستی سۆزداری و دۆخی دەروونی ئەرێنی دەگرێتەوە، کە زۆربەی ئەم هەستە دەروونییە چاکەکاری زۆر و ئاواتی باش و قووڵترین ئارەزووی کەسی و سادەترین خۆشی دەگرێتەوە، سەرەڕای ئەوەی ئەم هەستە لەنێوان زۆرێک لە تاکەکانی کۆمەڵگە دەبینرێت، بەڵام زۆرینەی کات مەبەست لێی نێوان دوو ڕەگەزی جیاوازە بۆ یەکتری وەک کوڕ و کچێک.
پلەکانی خۆشەویستی لە زمانی عەرەبی
التباريح السدم: خۆشەویستی لەڕادەبەدەر بەهێز.
التتيم: ئەو خۆشەویستییەی کە ستەم لە دڵ دەکات و دەیکاتە کۆیلە.
الهوى: ئەوەی لەڕێیەوە نەفسی مرۆڤەکە بەرەو ئارەزوو دەڕوات.
التَّعَبُّد: خۆی بۆ خۆشەویستی تەرخان دەکات، دەبێتە بەندەی خۆشەویست یان خۆشەویستی بە ڕێز و پەرستشەوە.
الجوى: ئەو چڕی خۆشەویستییەی کە دەبێتە هۆی خەم و خەفەت.
الخبل: ئەو خۆشەویستییەی کە تووشی کێشە یان ناکۆکی دەبێت.
الحَنِين: هەستکردن بە حەسرەت بۆ خۆشەویست.
الخلابة: عاشق بوون بە فریوی قسەی نەرم.
الخِلم: خۆشویستنی هاوڕێیەک.
الشجن: خۆشەویستی هەستیار.
الشَّغَف: سەرەتای خۆشەویستی، ئەو ساتەی خۆشەویستی دەست لە دڵ دەدات. یان ئەو خۆشەویستییەی کە خاوەنی دڵە و بەرگەکەی دەکاتەوە.
الشوق: خۆشەویست بەتوندی بەوی ترەوە هۆگر دەبێت و کاتێک خۆی دەبینێتەوە زۆر ڕۆچووە لە خۆشەویستیدا.
الوصب: هەستکردن بە نەخۆشی بەهۆی خۆشەویستییەوە.
الاستکانة: تێیدا خۆشەویست کێشەی نییە گەر واز لە هەموو شتێک بهێنێت، یان هەر شتێک بکات لەپێناو کەسەکەی تر.
الصبابة: خۆشەویستی نەرم و نیان.
الصبوة: خەفەت و تامەزرۆیی هەرزەکاری.
العِشْق: خۆشەویستی بە زیادەڕۆییەوە، ئەو قۆناغەی پێی دەوترێت خۆشەویستی کوێرانە.
الغَرَام: خۆشەویستی و وابەستەبوونێک کە ناتوانرێت لێی ڕزگاری بێت.
الغَمَرة: خۆشەویستی چەقبەستوو، خۆشەویستی قەرەباڵغ، خۆشەویستی بەلاڕێدابردن و بێباکی.
الْفُتُون: خۆشەویستی لە ڕێگەی دڵڕفێنییەوە.
الكِلف: خۆشەویستی چڕ و زیاد لە پێویست کە دەبێتە هۆی هۆگرییەکی زۆر.
الْمَحَبَّة: خۆشویستن
الوجد: خۆشەویستییەکی چڕ، کە خۆشەویست ناتوانێت بیر نەکاتەوە لەوی تر.
الهیام: یەکێک لە بەرزترین پلەکان کە دەبێتە هۆی شێتی و مەجنوونی.
