ناوه‌ڕۆك
ناساندن
چ دیارییەک بۆ خانمان گونجاوە؟ (بە ئینگلیزی: ?What is agood gift for women، بە عەرەبی: اي هدية مناسبة للنساء؟)، کڕینی دیاری بۆ خانمان و کچان یەکێکە لە شتە چێژبەخش و خۆشەکان لەلای کچان، هەڵبژاردنی دیاری گونجاو بۆیان گرنگە کە لەگەڵ تەمەن و سەلیقەیان بگونجێت.
هەڵبژاردنی دیارییەکی گونجاو بۆ خانمان
بۆئەوەی بتوانیت دیارییەکی گونجاو بۆ خانمان هەڵبژێریت پێویستە ڕەچاوی ئەم چەند خاڵە بکەیت:
- ناسینی ئارەزوو و حەزەکانی خانمەکە و هەڵبژاردنی دیاری بەپێی سەلیقەی خۆی.
- پرس و ڕا بە کەسە نزیکەکانی یان سەیرکردنی پەڕە کۆمەڵایەتییەکانی تا بزانیت زیاتر چ جۆرە پەڕەیەکی کۆمەڵایەتی لایە و حەزی لە چییە.
- ئەنجامدانی بازاڕیکردنێکی خۆش لەگەڵ خۆی.
- ڕەچاوکردنی تەمەنی.
ئەو دیارییانەی بۆ خانمان گونجاون
١- کۆڵە پشت
کچان بۆ زۆرێک لە ستایلەکانیان جانتای کۆڵە پشت بەکاردەهێنن و دەیگونجێنن، یاخود ئەو خانمانەی کە خوێندکارن لە قوتابخانە یان زانکۆ، دەکرێت کۆڵە پشت دیارییەکی گونجاو بێت بۆیان. کۆڵەپشتیش زۆر جۆری هەیە چەرم و وەرزشی و جۆری تر، هەروەها کۆڵەپشتی تایبەت بە شاخەوانی و چوونە سەر شاخ و سەفەر هەیە کە دەکرێت دیارییەکی گونجاو بێت بۆ ئەو خانمانەی حەز بەو چالاکییانە دەکەن.
٢- کامێرای وێنەگرتن
کچان حەز بە وێنەگرتنی خۆیان دەکەن، یان وێنەگرتنی سروشت و شتەکانی دەوروبەریان. کامێرایەکی بچووک کە بتوانێت لەگەڵ خۆی هەڵیبگرێت، دیارییەکی گونجاو دەبێت. ئەم کامێرایە دەبێتە هۆی ئەوەی ساتەکانی خۆی وەک یادگاری تۆمار بکات.
٣- ئێکسسوارات
ئێکسسوارات یەکێکە لە دیارییە خۆشەویست و گونجاوەکان بۆ خانمان، هەڵبژاردنی زۆر کەسیشە وەکوو دیاری. هەڵبژاردنی سێتی ملوانکە، گوارە، دەستبەند و ئەنگوستیلە، یان هەر یەک لەوانە بەتەنیا دەکرێت دیارییەکی تایبەت بێت.
٤- گوڵ و گوڵدانی سروشتی
وەک ئاماژەمان پێدا ناسینی حەز و سەلیقەکانی کەسەکە یارمەتیت دەدات بۆ هەڵبژاردن، بۆ نموونە زۆرێک لە خانمان حەز بە گوڵ و گیای سروشتی دەکەن، ئەگەر وابێت باشترین دیاری دەکرێت گوڵدانێک بێت بە گوڵێکی سروشتییەوە.
٥- جلوبەرگ
جلوبەرگ هەمیشە دیارییەکی باش و گونجاوە بۆ خانمان بە ڕەچاوکردنی ستایل و سەلیقەیان.
٦- کوپ و ماگ
زۆربەی خانمان حەزیان بە خواردنەوەی قاوە، چا یان شیر هەیە، جا چی لەماڵەوە بێت یاخود لە دەرەوە. کوپ و ماگی زۆر جوان بە زۆر نەخش و زۆر شێوەی جیاواز هەن کە بەپێی سەلیقە و حەزی خانمەکە دەتوانن هەڵیبژێرن. هەرجارێک لە ناو ئەو کوپە یان ئەو ماگە خواردنەوەیەک بخوات، تۆی بیر دەکەوێتەوە.
٧- کەلوپەلی ناو ماڵ
هەندێک لە خانمان حەزیان لە کەلوپەلی ناو ماڵە و هەمیشە پێویستیانە، کەواتە ئەگەر ئاشنای سەلیقە و حەزی ئەو کەسەی کە دەتەوێت دیاری بۆ ببەیت، کەلوپەلی دیزاین و دیکۆری ناو ماڵ هەتا کەلوپەلی کارەبایی ناو چێشتخانە دەکرێت بیرۆکەی باش و دیاری گونجاو بن.
٨- عەتر
خانمان هەمیشە حەزیان لە بۆنی خۆش و کڕینی عەتر و بۆنی خۆشە و چێژی لێ وەردەگرن، بە کڕینی عەترێکی ئەسڵ و بۆن خۆش دەتوانیت خانمەکەت دڵخۆش بکەیت. هەروەها ڕەچاوی ئەوە بکە کە حەز بە چ جۆرە بۆنێک دەکات.
٩- جانتا
جانتاش بیرۆکەیەکی باشە بۆ دیاری، جانتای دەستی یان شان یاخود جانتای سەفەر و زۆر جۆری جانتا هەیە.
١٠- بلیتی کۆنسێرت
دەکرێت بۆ دڵخۆشکردنی خانمەکەت یان هەر کەسێکی ئازیزت بیبەیت بۆ کۆنسێرتی هونەرمەندی دڵخوازی.
١١- بلیتی سەفەر
سەفەر و گەشتکردن شتێکە کە لە شت کڕین زیاتر دڵی خانمان خۆش دەکات، بۆ نموونە چوونە سەفەر لە بەرواری لەدایکبوونیدا دەبێتە یادگارییەکی شیرین.
١٢- کاتژمێر
زۆرێک لە خانمان حەز بە بەکارهێنانی کاتژمێر دەستی دەکەن، کەواتە یەکێک لە دیارییە گونجاوەمان کاتژمێرە.
١٣- پێداویستی ئارایشت
یەکێک لە باشترین هەڵبژاردنەکان وەک دیاری بۆ خانمان پێداویستی ئارایشتە، کە خانمان زۆر پێی دڵخۆش دەبن.
١٤- کتێب
کتێبیش یەکێکە لە دیارییە گونجاوەکان. بۆ ئەو خانمانەی خوێنەرن، لە هەموو شتێک زیاتر خۆشحاڵیان دەکات.
١٥- بوکەڵە
زۆرێک لە خانمان منداڵی دەروونیان چالاک و زیندووە. ئەگەر بوکەڵەیەک بۆ خانمێکی ئاوا بکەیت بە دیاری زۆر خۆشحاڵی دەکات.
