ناوه‌ڕۆك
ناساندن
سوودەکانی سەفەرکردن یان سوودەکانی گەشتکردن (بە ئینگلیزی: The Benefits of Travel، بە عەرەبی: فوائد السفر) سەفەر و گەشتکردن و گەڕانی شوێنە جیاوازەکان جگە لە وەرگرتنی چێژ و ئاسوودەبوونی دەروونی دەکرێت کۆمەڵێک سوودی هەبێت.
سوودەکانی سەفەرکردن
دوێزینەوەی شوێنی نوێ
گەشتکردن یارمەتیدەرە بۆ ناسینی کەسانی نوێ، فێربوونی کولتوورە نوێیەکان، و شێوازی ژیانی جیاواز لە نێوان گەلەکاندا. بۆت دەردەکەوێت کە جیهان جیاوازە لە واقیعدا بە پشتبەستن بەو زانیاریانەی کە دەیزانێت.
دروستکردنی هاوڕێی نوێ
گەشتکردن یارمەتیدەرە بۆ دروستکردنی هاوڕێیەتی لەگەڵ کەسانی نوێ، سەفەررکەران بەزۆری سروشتی ڕاستەقینەی خۆیان نیشان دەدات بەبێ کاریگەری یان خۆنمایشکردن، هەروەها وایان لێدەکات لە دەرەوەی ژینگەکانیان بە ئازادی و بەبێ سنووردارکردن خۆیان دەرببڕن، ئەمەش هانی کەسانی دیکە دەدات وەک کەسایەتی ڕاستەقینەی خۆیان دەربکەون، ئەمەش یارمەتیدەرە بۆ دروستکردنی هاوڕێیەتی ڕاستەقینە لە نێوان ئەو کەسانەی کە تەنها بۆ چەند کاتژمێرێک یەکتریان ناسیووە.
گەشەکردنی کەسایەتی
بوون لە وڵاتێکی بێگانە لە دەرەوەی وڵاتی زێدی خۆی یارمەتی مرۆڤ دەدات بەرەوڕووی بارودۆخی جیاواز بێت کە ڕەنگە ببێتە هۆی سەرهەڵدانی بەرهەڵستکاری و سەختی و بەرکەوتن بە بارودۆخە سەختەکان کە بوونیان دەبێتە هۆی سەرهەڵدانی هەندێک سیفەتی کەسایەتی بۆ ئەوەی ئەو کەسە ناچار دەکرێت خۆی لەگەڵ ئەو جیاوازییەدا بگونجێنێت کە لە کاتی گەشتەکەیدا بەرکەوتەی دەبێت، بەپێی توێژینەوەکە لەلایەن زیمەرمەن و نیرەوە لە ساڵی ٢٠١٣ ئەنجامدراوە، کە دواتر دەبێتە هۆی ڕاهاتن لەگەڵ گۆڕانکاری و پەرەپێدانی سەقامگیری سۆزداری.
فێربوونی زمانێکی نوێ
گەشتکردن و گواستنەوە بۆ ژیان لە ناوچەیەکی نوێدا یارمەتیدەرە بۆ فێربوونی ئەو زمانەی لەوێ بەکاردێت و بە شێوەیەکی ڕەوان قسەی پێبکرێت، بەو پێیەی بەرکەوتن لەگەڵ هەندێک بارودۆخدا دەبێتە هۆی پێویستی بەکارهێنانی ئەو زمانەی کە لەو ناوچەیەدا بەکاردەهێنرێت ڕۆژانە، ئەمەش دەبێتە هۆی شارەزابوون لەم زمانە لە کۆتاییدا و شارەزابوون لە زمانێکی نوێ ڕەنگە ئاسانکاری بکات بۆ بەدەستهێنانی کارێک، یان کارکردن وەک وەرگێڕ لە کۆمپانیایەکی ناوخۆییدا.
