ناوهڕۆك
ناساندن
کاریگەری تەکنەلۆژیا لەسەر بەڕێوبردنی کات و ژیانی ڕۆژانە (بە عەرەبی: تأثير التكنولوجيا على إدارة الوقت والحياة اليومية، بە ئینگلیزی: The impact of technology on time management and daily life)، تەکنەلۆژیا بووەتە ڕێگایەکی باش و کار ئاسانی بۆ هەموو چین و توێژێک، تەکنەلۆژیا یارمەتیمان دەدات کارەکانمان جێبەجێ بکەین لە هەر کوێیەک بین.
ئەو شێوازەی تەکنەلۆژیا کاریگەری لەسەر بەڕێوەبردنی کات هەبووە
شاراوە نییە کە تەکنەلۆژیا دەتوانێت یارمەتیت بدات لەسەر ئەرکەکەت بمێنیتەوە و تواناکانی بەڕێوەبردنی کاتت باشتر بکات، بیر لەوە بکەرەوە کە پێشتر چەند کاتی دەخایەند بۆ ناردنی نامە بۆ کەسێک لە ڕێگەی خزمەتگوزاری پۆستەوە لە بەرانبەر ئەوەی ئێستا لە ڕێگای ئیمەیڵێکەوە نامەکەت دەگات، بەڵام لەگەڵ لێکۆڵینەوە لە کاریگەرییەکانی تەکنەلۆژیا لەسەر بەڕێوەبردنی کات، پێویستە ڕێگاکانیش لەبەرچاو بگرێت بۆ ئەوەی دڵنیا بیت کە تەکنەلۆژیا بەتەنها ناتوانێت تۆ بەرەوپێش ببات.
باوترین ڕەخنە کە لە سەردەمی تەکنەلۆژیا و ئینتەرنێت دەگیرێت ئەوەیە کە ئەوان کات نوقمکەر و کات کوژن کە بەرهەمهێنانیان کەم کردۆتەوە و کوالیتی ژیانیان تێکداوە، لە ڕاستیدا شتێکی نامۆ نییە کە لە کاتی کارکردن لەسەر ئەرکێکدا لەناو هایپەرلینک و کارەکان و سەرقاڵیتدا ون بیت. هەروەها گرنگترین ڕۆڵی تەکنەلۆژیا پاشەکەوتکردنی کات و ماندووبوونە، هەروەها ئامرازەکانی چالاککراوی تەکنەلۆژیا کە بڕێکی بەرچاو لە کاتت بۆ پاشەکەوت دەکەن کارایی و بەرهەمهێنانی گشتی باشتر دەکەن، لە ئەنجامدا دەتوانرێت بڵێین تەکنەلۆژیا و بەڕێوەبردنی کات شانبەشانی یەکتر دەڕۆن.
گرنگی تەنکەلۆژیا لەسەر ژیانی ڕۆژانە
یەکەم/ تەکنەلۆژیا بەکاربهێنە بۆ پلاندانان بۆ ڕۆژەکەت
چالاکیەکی نایابی بەڕێوەبردنی کات بریتییە لە پلاندانان بۆ ڕۆژەکەت بە وردی، هەروەها تەرخانکردنی کات بۆ پلاندانان بۆ چۆنیەتی بەسەربردنی ڕۆژەکەت یارمەتیدەرە بۆ ئەوەی ڕۆژەکەت بە ئاسایی تێنەپەڕێت، هەروەها تەکنەلۆژیا دەتوانێت لەم ڕووەوە هاوکاریمان بکات. پێویستە خشتەی کار و پلانی ڕۆژانەی خۆمان هەبێت، ڕاهێنانی دروست زۆر گرنگە بۆ ئەوەی زۆرترین سوود لە هەر بەرنامەیەکی خشتەی کارکردن وەربگریت، بە تایبەت ئەگەر بەنیازی ئەوە بیت لە ڕێکخستنی گروپیدا بەکاری بهێنیت. هەندێک کات بەسەر بەرە بۆ فێرکردنی ئەندامانی گروپ چۆنێتی بەکارهێنانی تەکنەلۆژیا. یاسای بنەڕەتی بۆ چۆنیەتی بەکارهێنانی تەکنەلۆژیای گروپەکە دابنێ بۆ ئەوەی هەمووان لە گرنگییەکەی تێبگەن. خاوەندارێتی کاتەکانت هەنگاوێکی یەکەمی گرنگە بۆ پەرەپێدانی ستراتیژی بەڕێوەبردنی کات، پاشان تەنها مەسەلەکە ئەوەیە کە ئامرازە گونجاوەکان بدۆزیتەوە بۆ ئەوەی یارمەتیت بدەن لەووی زۆرترین سوود وەربگریت لە ڕۆژەکەت، مەترسە لە تاقیکردنەوەی تەکنەلۆژیای نوێ بۆ ئەوەی ئەو ئامرازە بدۆزیتەوە کە باشترین کاریگەری بۆت هەیە.
دووەم/ گۆڕینی شێوازی پەیوەندیکردنی بزنسەکان
یەکێک لە سوودە گەورەکانی تەکنەلۆژیا ئەوەیە کە ستانداردەکانی پەیوەندییەکانی گۆڕیوە، مۆبایلە زیرەکەکان و تۆڕە کۆمەڵایەتییەکان و ئەپەکانی چات ڕێگەیەکی نوێ بۆ پەیوەندیکردن دەبەخشن بە هەموو کەسێک، پەیوەندی ئاستە جیاوازەکان بە سەرکەوتنێکی زۆرەوە هاتۆتە ئاراوە. ئێستا دەتوانیت بەبێ هیچ کێشەیەک پەیوەندی لەگەڵ کارمەندەکانت، مامۆستاکانت، هاوڕێکانت یان کەسانی جیاواز بکەیت. لە ڕێگەی ئەپەکانی تۆڕە کۆمەڵایەتییەکانی وەک واتسئەپ و سکایپ و ئەوانی ترەوە دەتوانیت ئیمەیڵ، نووسین یان ڤیدیۆ چات بنێریت، یان تەنانەت ڤیدیۆ کۆنفڕانس لەگەڵ هاوکارەکانت یان سەرووترەکانت ئەنجام بدەیت، کە پێویست ناکات لە شوێنی کارەکەتدا ئامادە بیت، دەتوانیت بە یارمەتی تەکنەلۆژیا لە پەیوەندیدا بیت لەگەڵ شوێنی کارەکەت یان هاوکارەکانت، کە ئەمەش یەکێکە لە پێشکەوتنە گەورەکانی بواری تەکنەلۆژیا. دەتوانیت لە دەرەوەی ئۆفیس کار لەسەر ئەرکە گرنگەکانی تری ناو ئۆفیسەکەت بکەیت لەکاتێکدا لە پەیوەندیدا دەبیت لەگەڵ هاوکارەکانت لە ڕێگەی ڤیدیۆ چات و پەیوەندی کۆنفڕانسەوە.
سێیەم/ ڕۆتینەکەت بە تەواوی ڕێکبخە
تەکنەلۆژیا یارمەتیدەرە لە ڕێکخستنی کارەکەدا، هەروەها نەرمەکاڵای بەڕێوەبردنی پرۆژە ئامرازێکی تەکنەلۆژییە کە یارمەتیت دەدات کارەکانی ڕۆژانەت بە تەواوی ڕێکبخرێت، خاوەنکار و بەڕێوەبەران دەتوانن بە ئاسانی چاودێری چالاکییەکانی شوێنی کار بکەن، ئەمەش یارمەتیدەرە بۆ ئەوەی هەموو شتێک لەسەر ڕێڕەوی خۆی بمێنێتەوە. بەرپرسیارێتی و لێپرسینەوە و کارایی و تەواوکردنی لە کاتی خۆیدا ئەو ئەرکانەی کە بۆ تاکەکان دیاریکراون دادەمەزرێنێت، ئێستا چەندین بەرهەم و نەرمەکاڵای داهێنەرانە لە شوێنی کاری مۆدێرن بەردەستن بۆ باشترکردنی ڕەوتی کار و کارایی، نەرمەکاڵای بەڕێوەبردنی پڕۆژە زۆر یارمەتیدەرە بۆ بەرزکردنەوەی کوالیتی کارەکان، هەروەها هانمان دەدات بە شێوەیەکی ژیرانە تەکنەلۆژیا بەکاربهێنین بۆ بەرزکردنەوەی ئاستی ژیانمان لە جیهاندا و یارمەتیدەرە بۆ ڕێکخستنی هەموو شتێک و هۆکاری داهاتووی گەشمانە.
چوارەم/ بەکارهێنانی ئەپی جیاواز لە کارەکەتدا
چەندین بەرنامە بەردەستن بۆ بەڕێوەبردنی لیستی کارەکان و ئەرکەکان، ئەگەر پێشتر گووگڵ درایڤ و ئامرازەکانی تری بەرهەمهێنانی گووگڵت بەکاردەهێنا، پێویستە هەوڵی بۆ بدەیت تا بیانگۆڕیت چونکە تایبەتمەندی زۆری تێدا نییە، بەڵام ڕووکارەکەی سادەیە بۆ بەکارهێنان و کاتێک لەگەڵ بەرنامەکانی دیکەدا تێکەڵ دەکرێت، دەتوانێت سەرمایەیەکی ڕاستەقینە بێت.
