به‌ران له‌ گێتی زینده‌وه‌ردا

له‌لایه‌ن: عه‌لادین سه‌جادی - به‌روار: 2020-08-08-14:08:00 - کۆدی بابەت: 335
به‌ران له‌ گێتی زینده‌وه‌ردا

ناوه‌ڕۆك

ده‌رباره‌ی گێتی زینده‌وه‌ر

په‌رتووكی "گێتی زینده‌وه‌ر" یه‌كێكی دیكه‌ له‌ شاكار و نووسراوه‌كانی نووسه‌ر و زانای گه‌وره‌ی كورد (عه‌لادین سه‌جادی)یه‌ ، كتێبی گێتی زینده‌وه‌ر كتێبێكه‌ دنیایه‌كی سه‌ربه‌خۆی گرتووه‌ له‌ باره‌ی گیانله‌به‌ران ، دار و دره‌خت ، كه‌ڵك و نرخیانه‌وه‌ ، هۆش و بیریانه‌وه‌ ، چۆنیه‌تی ژینیانه‌وه‌ ، ئه‌و شتانه‌ تیایانا هه‌ن ، ئه‌و به‌رهه‌مانه‌ی كه‌ ئه‌یده‌ن ، ئه‌و كارانه كه‌ ئه‌یكه‌ن ، ئه‌و سروشتانه‌ كه‌ هه‌ر هه‌ن .


به‌كارهێنانی به‌ران له‌ مێژووی كورد دا 

  • ئه‌گه‌ر یه‌كێ میز بكاته‌ جێ خۆی بگیرێته‌ خواردنی به‌ران به‌ برژاندنی چاك ئه‌بێته‌وه‌.
  • ئه‌گه‌ر ئافره‌تێك به‌ زه‌حمه‌تی مناڵی لێ ئه‌بوه‌وه‌ ، پیوی به‌ران و پیوی گاو ئاوی كه‌وه‌ر تێكه‌ڵاو بكاو به‌ شاف هه‌ڵیبگرێ به‌ ئاسانی مناڵه‌كه‌ی لێ ئه‌بێته‌وه‌.
  • ئه‌گه‌ر ئافره‌ت به‌ زراوی به‌ران مه‌مكی خۆی بهه‌نوێ شیره‌كه‌ی وشك ئه‌كا .
  • یه‌كێ ئه‌گه‌ر تووشی "كه‌ژۆك-عرق النسا" بوو دووگی به‌ران بێنێ و بیتوێنێته‌وه‌ و بیكا به‌ سێ به‌شه‌وه‌ ، به‌شێكی به‌ ماوه‌ی سێ ڕۆژ بخواته‌وه‌ ده‌رده‌كه‌ی له‌ كۆڵ ئه‌كه‌وێ .
  • جه‌رگی به‌ران ئه‌گه‌ر هه‌ر به‌ ته‌ڕی بسوتێنرێ و خۆڵه‌كه‌ی بهێنرێ به‌ دان دا سپی ده‌كاته‌وه‌ .
  • شاخی به‌ران له‌ ژێر هه‌ر دارێكی به‌ به‌ردا بشارێته‌وه‌ ئه‌و داره‌ به‌ری زۆر ده‌بێ .
  • ئه‌گه‌ر یه‌كێ چاوی ئاو بكا ، زراوی به‌ران له‌گه‌ڵ هه‌نگوێن ا تێكه‌ڵاو بكا و بیهێنێ به‌ چاویا ئاوه‌كه‌ی ئه‌وه‌ستێته‌وه‌ .
  • ئه‌و حاجه‌ته‌ی كه‌ هه‌نگوینی تێدابێ ئه‌گه‌ر سه‌ره‌كه‌ی به‌ خوری مه‌ڕی سپی داپۆشرێ مێرووله‌ ئیتر توخنی ناكه‌وێ .
  • مێشكی كه‌ڕ خواردنه‌كه‌ی گه‌وجی ئه‌هێنێ .
  • ئه‌گه‌ر یه‌كێ له‌شی تێك شكابوو مه‌ڕێك بگوورن و به‌گه‌رمێ پێسته‌كه‌ی تێگرن چاك ئه‌بێته‌وه‌


سەرچاوەکان

139 بینین