ناوه‌ڕۆك
خاوەن بڕوانامە‌كان كە‌متر تووشی جەڵتەی دڵ دەبن
توێژینە‌وە‌یە‌كی نوێ دە‌ریخستووە ئە‌وانە‌ی بڕوانامە‌ی كۆلێجیان نییە، دوو ھێندە‌ی كە‌سانی خاوەن بڕوانامە‌ی كۆلێج زۆرتر تووشی جەڵتەی دڵ دەبن.
توێژینە‌وە‌كە لە ئوسترالیا و لە‌لایە‌ن توێژە‌رانی ئە‌نستیتۆی ساكس لە دە‌ڤە‌ری ئە‌ڵتیمۆی ئە‌و وڵاتە ئە‌نجامدراوە و مە‌بە‌ستی بووە بە‌دوای پە‌یوە‌ندی نێوان ئاستی خوێندە‌واری و ئە‌گە‌ری توشبوون بە نە‌خۆشییە‌كانی دڵ و بۆڕییە‌كانی خوێن بگە‌ڕێ.
بۆ گەیشتن بە ئە‌نجام، توێژە‌رە‌كان بۆ ماوە‌ی پێنج ساڵ لە ٢٦٨ ھە‌زار خانم و پیاویان كۆڵیوە‌تە‌وە كە تە‌مە‌نیان سە‌روو ٤٥ ساڵ بووە و لە ویلایە‌تی (نیو ساوس وێڵز) ژیاون.
د. رۆمێری كۆردا، سە‌رۆكی تیمی توێژە‌ران و كارا لە زانكۆی نیشتیمانی ئوسترالی، لە بارە‌ی توژینە‌وكە‌یانە‌وە دە‌ڵێ توێژینە‌وكە‌مان دە‌ریخست لە‌و كە‌سانە‌ی تە‌مە‌نیان ٤٥-٦٤ ساڵان بووە، ڕێژە‌ی جەڵتەی دڵ لە‌نێوان ئە‌وانە‌ی بڕوانامە‌یان نییە زۆرتر بووە لە دوو ھێندە ( بە ڕاددە‌ی نزیكە‌ی ١٥٠٪) بە بە‌راورد بە‌وانە‌ی بڕوانامە‌ی خوێندنی زانكۆییان ھە‌یە.
لە وردە‌كاری ئە‌نجامە‌كاندا ھە‌روە‌ھا ھاتووە ئە‌وانە‌ی تە‌مە‌نیان ٤٥-٦٤ ساڵانە و خوێندنی ئامادە‌ییان تە‌واو نە‌كردووە، بە ڕاددە‌ی ٥٠٪ ئە‌گە‌ری زۆرترە توشی جەڵتەی مێشك ببن بە بە‌راورد بە‌وانە‌ی زانكۆیان تە‌واوكردوە.
توێژە‌رە‌كان دە‌ڵێن بڕوانامە كار لە‌وە دە‌كات كە كە‌سە‌كە چ جۆرە كارێكی دە‌ستدە‌كە‌وێ، لە‌كوێ دە‌ژی و چی دە‌خوات، ئە‌وانە‌ش گرنگن بۆ باری تە‌ندروستی ھە‌ر كە‌سێك.
ئە‌نجامی توێژینە‌وە نوێیە‌كە لە جۆرناڵی زانستی (International Journal for Equity in Health ) بڵاوبووە‌تە‌وە و ئاژانسی (یو پی ئای) ئاماژە‌ی پێكردووە.
