چالاکییە ئابوورییەکان کامانەن؟

له‌لایه‌ن: ئاکام ئەکرەم - به‌روار: 2021-03-28-21:03:00 - کۆدی بابەت: 3847
چالاکییە ئابوورییەکان کامانەن؟

ناوه‌ڕۆك

چالاکییە ئابوورییەکان کامانەن؟

بەرهەمهێنان Production

بریتییە لە کرداری گۆڕینی بەردەوامی هێزە سروشتییە مادییەکان کە ناتوانن ڕآستەوخۆ پێویستییەکانی مرۆڤ پڕبکەنەوە، کە مرۆڤ دەیگۆڕێت بۆ شمەک و خزمەتگوزاری کە وا شیاون بۆ پڕکردنەوەی پێویستییە مرۆییەکان. کەواتە بەرهەمهێنان کردارێکە سوود دەڕەخسێنی یان زیادی دەکات.

دابەشکردن  Distribution

پەیوەندی مرۆڤ لەگەڵ ئەو تاکانەی کە لە کۆمەڵگەدا لەگەڵیان دەژی و کە بەشداری یەکتر  دەکەن لە کرداری بەرهەمهێنان و ئەو دەرەنجامەش کە بەهۆی بەشداری کردنەکە پەیدا دەبێت لە بەدیهێنانی پسپۆڕی و کار دابەشکردن، دابەشکردنی بەرهەمە کۆمەڵایەتییەکان بەسەر ئەو کەسانەی کە بەشدارییان کردووە لە چالاکی ئابووریدا و بەسەر ئەو کەسانەش بەشدار نەبوون.

ئاڵوگۆڕ کردن  Exchange

واتا گواستنەوەی کارگێڕی بۆ خاوەنداریەتی شمەک و خزمەتگوزاری کە لە چالاکی ئابووری بەدەستهێنراون، هەروەک بازرگانی ناوخۆ و بازرگانی دەرەکی نموونەن بۆ ئەم جۆرە ئاڵوگۆڕ کردنە.

بەکاربردن  Consuming

کرداری ئامادەکردنی دەرامەتەکانە بۆ بەکاربردنی تاک و کۆمەڵ و تێکردنی پێویستییە مرۆییەکان و پاڵنەر و هۆکارە ڕەفتاری و کۆمەڵایەتییەکان کە بوونەتە هۆی زیادبوونی خەرجییەکانی بەکاربردن.


سەرچاوەکان

48 بینین