ناوه‌ڕۆك
ناساندن
گوڵەبەفرینە (بە ئینگلیزی: Snowdrop، بە کۆری: 설강화) زنجیرەیەکی کۆرییە لە چەشنی درامی، سیاسی، ڕۆمانسییە، بەرهەمی کۆریای باشوورە و لە ساڵی ٢٠٢١ بڵاوکرایەوە. ژمارەی ئەڵقەکانی ١٦ ئەڵقەیە. زنجیرەکە لە دەرهێنانی (جۆ هاین تاک) و لە نووسینی (یو هیون می)ـیە. یەکێک لە سەرەکیترین نواندنکارەکان (کیم جی سوو)ـە کە گۆرانیبێژێکی بەناوبانگی گرووپی بلاک پینکە (Blackpink) کە گرووپێکی ناوداری کۆریای باشوورە و لە چوار کچ پێکهاتووە. زنجیرەکە نمرەی ٩٫٥/١٠ـی هەیە لە سایتی IMdb تایبەت بە هەڵسەنگاندنی فیلم و زنجیرەکان.
نواندنکار و کەسایەتییەکان
| نواندنکار | کەسایەتی |
| یۆنگ های ئین | لیم سۆ هوو |
| کیم جی سوو | چۆ یۆنگ ڕۆ |
| یو ئین نا | کانگ چۆنگ یا |
| جانگ سیۆنگ جۆ | لی کانگ موو |
| کیم هێی یۆن | کای بۆن ئۆک |
کورتەچیرۆک
چیرۆکەکە باس لە بەهاری ساڵی ١٩٨٧ـی کۆریای باشوور دەکات کە خەڵکی لەلایەن حکوومەتێکی دیکتاتۆرەوە حوکومڕانی کراون، لیم سۆ هوو کوڕێکی بریندارە و بە برینداری خۆی دەکات بە بەشە ناوخۆییەکی کچاندا و کچە خوێندکارێک دەیشارێتەوە و دوای ئەوە پەیوەندییەکەیان ئاڵۆزتر دەبێت.
چەند ڕاستییەک دەربارەی زنجیرەکە
- نووسەری سیناریۆی زنجیرەکە دەڵێت نزیکەی ١٢ ساڵی پێچووە تاکوو سیناریۆکە تەواو بکەم.
- جۆنگ های ئین بووە براوەی باشترین نواندنکار بە دەنگی بینەران لە ئاهەنگی خەڵاتەکانی زنجیرەی ئەژدیها شینەکان (Blue Dragon Series Awards 2022) بۆ ئەم زنجیرەیە.
- کیم سی سوو کە ڕۆڵی هاوڕێی چۆ یونگ ڕۆی دەبینی و قوتابی زانکۆ بوو، لە ساڵی ٢٠٢٢ و لە تەمەنی ٢٩ ساڵیدا کۆچی دوایی کرد و دەنگۆی زۆر هەبوو کە خۆی کوشتبێت.
- چیرۆکی دراماکە پێش بڵاوبوونەوەی دزەی کردوو و لەناو خەڵکیدا بڵاوبوویەوە، کێشەی زۆری بە دوای خۆیدا هێنا، بەهۆی ناوەڕۆکە سیاسییەکەی و بە خراپ باسکردنی دەسەڵاتی ئەوکاتە. هەربۆیە بۆ ماوەی مانگێک نزیکەی ٢٢٦٠٧٨ واژۆ کۆکرایەوە بۆ وەستاندنی زنجیرەکە، بەڵام حکوومەت بڕیاری دا کە نەوەستێرنرێت و پاش بڵاوبوونەوەی سەرکەوتنێکی گەورەی بەدەست هێنا.
