ناوه‌ڕۆك
ناساندن
هەشت ئاسانترین زمان بۆ فێربوون (بە ئینگلیزی: eight easiest languages to learn، بە عەرەبی: اسهل ثمان لغات يمكنك تعلمها) لە جیهاندا زمانێکی زۆر هەیە. ئەگەر یەکەمجارە زمانێک فێر دەبیت، باشترە بە زمانێکی ئاسان دەست پێ بکەیت بەتایبەتی بۆ ئەوانەی کە ئینگلیزی دەزانن.
ئاسانترین زمانەکان چین بۆ فێربوون؟
ئاسانترین زمانەکان بۆ قسەکەرانی ئینگلیزی بریتین لە: دانیمارکی، هۆڵەندی، ئیتاڵی، نەرویجی، پورتوگالی، ڕۆمانی، ئیسپانی، سویدی، فەرەنسی. ئەمەش واتە لە ڕووی کولتووری و زمانەوانییەوە هاوشێوەی ئینگلیزین. ئەگەری ئەوە هەیە کە تێبینی هەندێک لێکچوون لەگەڵ زمانی ئینگلیزی بکەیت ئەگەر بڕیار بدەیت یەکێکیان فێر بیت، لەوانەیە سەرت بسوڕمێت کە چەند وشە لەیەک دەچن یان بە تەواوی وەک یەکن.
دانیمارکی (٢٤ هەفتە)
دانیمارکی زمانێکی باکوورە و زیاتر لە ٥.٥ ملیۆن کەس قسەی پێدەکەن و زمانی فەرمی دانیمارکە. زمانی دانیمارکی ئاسانە بۆ قسەکەرانی زمانی ئینگلیزی فێری ببن. دەتوانیت زۆر وشەسازی جیاواز بە هەردوو زمانەکە بناسیتەوە. ڕێزمانەکەش زۆر قورس نییە. چەند دەنگێکی زیادە لە زمانی دانیمارکیدا هەن کە لە زمانی ئینگلیزیدا بوونیان نییە، بەڵام دەتوانیت بە خێرایی فێری بیت.
ئیتاڵی (٢٤ هەفتە)
زمانی ئیتاڵی زمانێکی زۆر بەناوبانگە بەهۆی کولتووری ئیتاڵی و خواردن و جوانی وڵاتی ئیتاڵیا. لە خێزانی زمانە ڕۆمانییەکاندایە (لەگەڵ زمانە بەناوبانگەکانی دیکەی وەک ئیسپانی و فەرەنسی)، و نزیکەی ٧٠ ملیۆن کەس قسەی پێدەکەن. لە دەرەوەی ئیتاڵیا، لە سان مارینۆ، شاری ڤاتیکان، بەشێک لە سویسرا و تەنانەت لە هەندێک ناوچەی کرواتیا و سلۆڤینیاش قسەکەری زمانی ئیتاڵیی زۆر زۆرە. ئەوانەی بە ئینگلیزی قسە دەکەن دەتوانن بە خێرایی فێری زمانی ئیتاڵی بن بەهۆی ئاسانی قسەکردن پێی و ڕێنووسی زمانەکە. کاتێک شارەزا بوویت لە دەنگە جیاوازەکان، دەتوانیت هەموو وشەیەک بە دروستی بڵێیتەوە.
نەرویجی (٢٤ هەفتە)
زمانی نەرویجی، هاوشێوەی زمانی دانیمارکی و سویدی، زمانێکی باکوورە. زیاتر لە ٥ ملیۆن کەس قسەی پێدەکەن، و زمانی فەرمی وڵاتی نەرویجە. دوو فۆڕمی نووسراوی زمانی نەرویجی هەیە (بۆکمال و نینۆرسک)، سەرەڕای بوونی دوو فۆڕم لەم زمانەدا، بەڵام هێشتا بە شێوەیەکی سەرسوڕهێنەر ئاسانە بۆ ئەوانەی کە ئینگلیزی دەزانن فێری زمانی نەرویجی بن. یەکێک لە هۆکارە هەرە دیارەکان کە زمانی نەرویجی زمانێکی ئاسانە بۆ فێربوون، وشەسازی هاوبەشیەتی لەگەڵ ئینگلیزیدا.
پورتوگالی (24 هەفتە)
زمانی پورتوگالی زمانێکی ڕۆمانییە و زیاتر لە ٢٥٠ ملیۆن کەس لە سەرانسەری جیهان قسەی پێدەکەن. زمانی فەرمییە لە پورتوگال و بەرازیل، بەڵام قسەکردن پێی زۆر لەم دوو وڵاتە زیاترە. هەروەها زمانی پورتوگالی زمانێکی سەرەکییە لە ئەنگۆلا، کیپ ڤێرد، تیمۆری ڕۆژهەڵات، گینیا بیساو، ماکاو، مۆزەمبیق و ساو تۆمێ و پرینسیپی. زمانی پورتوگالی یەکێکە لە ئاسانترین زمانەکان بۆ قسەکەرانی ئینگلیزی. پێکهاتەی ڕستە پورتوگالیەکان هاوشێوەی ئینگلیزییە.
ڕۆمانی (٢٤ هەفتە)
جوگرافیاکەی کەمێک سنووردارترە لە هەندێک زمانی تر بۆ قسەکردن هەرچەندە، وەک ئیسپانی، فەرەنسی و پورتوگالی. هێشتا زیاتر لە ٢٨ ملیۆن کەس بە زمانی ڕۆمانی قسە دەکەن. زۆرترین جار لە ڕۆمانیا و مۆڵدۆڤا گوێت لەم زمانە دەبێت. زمانی ڕۆمانی زمانێکی ئاسانە بۆ فێربوون چونکە زمانێکی فۆنێتیکە. هاوشێوەی زمانی ئیسپانی و ئیتاڵی، پیتەکانی ڕۆمانی هەمیشە بە هەمان شێوە دەوترێن کە نوسراون. کاتێک شارەزا بوویت لە چۆنیەتی وتنیان، دەتوانیت هەر وشەیەک بە تەواوی زمانەکە بڵێیت. هەروەها ڕەگ و ڕیشەی لاتینیشی هەیە، بۆیە کاتێک لە پێکهاتەی گشتی تێگەیشت، دەتوانیت وشەسازییەکی زۆر پێشبینی بکەیت بەبێ ئەوەی لە ڕاستیدا لێی بکۆڵیتەوە.
ئیسپانی (٢٤ هەفتە)
زمانی ئیسپانی تەنها یەکێک نییە لە زمانە بەناوبانگەکان کە قسەکەرانی ئینگلیزی فێری دەبن، بەڵکو یەکێکە لە ئاسانترین زمانەکان. هەروەها نزیکەی ٥٥٠ ملیۆن کەس لە سەرانسەری جیهان بە ئیسپانی قسە دەکەن و زمانێکی فەرمییە لە ٢٠ وڵاتدا. فیلم و زنجیرە و مۆسیقای زمانی ئیسپانی لە چەند ساڵی ڕابردوودا جیهانی بوون، بۆیە ڕەنگە لە شوێنێکدا بەرکەوتنت لەگەڵ زمانەکەدا هەبووبێت. هەروەها ڕێزمانەکە تاڕادەیەک سادەیە ئەگەر بتەوێت ببیتە گفتوگۆکەر.
سویدی (24 هەفتە)
زمانی سویدی زمانێکە کە زیاتر لە ١٣ ملیۆن کەس قسەی پێدەکەن. ڕەنگە بتوانن پێشبینی ئەوە بکەن کە زۆربەیان لە سویدن، بەڵام زمانێکی فەرمیە لە فینلەندا. پەیوەندییەکی نزیک بە زمانی نەرویجی و دانیمارکییەوە هەیە، کە هەروەها هەندێک لە ئاسانترین زمانەکانن بۆ قسەکەرانی زمانی ئینگلیزی. زمانی ئینگلیزی و سویدی هەمان ڕەگ و ڕیشەیان هەیە، هەر بۆیە فێربوون ئاسانە ئەگەر پێشتر بە ئینگلیزی قسە بکەیت. ڕێزمانەکەی زۆر ئاڵۆز نییە.
فەرەنسی (٣٠ هەفتە)
زمانی فەڕەنسی زمانێکە کە زیاتر لە ٢٧٠ ملیۆن کەس لە سەرانسەری جیهان بە زمانی فەرەنسی قسە دەکەن، و زمانی فەرمی ٢٩ وڵات و هەندێک لە دەزگا نێودەوڵەتییە گەورەکانە، وەک نەتەوە یەکگرتووەکان. زمانی فەرەنسی قورسترین زمانە لەم لیستەدا بۆ فێربوون بەپێی لێکۆڵینەوەکانی وەزارەتی دەرەوەی ئەمریکا. بەڵام هێشتا فێربوونی زۆر ئاسانترە لە زۆربەی زمانەکانی تر. ئەمەش لەبەر ئەوەیە کە بڕێکی زۆر وشەی ئینگلیزی لە زمانی فەرەنسییەوە هاتووە.
