گەرووی جەبەل تاریق

دەربارەی گەرووی جەبەل تاریق

گرنگترین گەرووی نێودەوڵەتییە کە هەردوو کیشوەری ئەوروپا و ئەفەریقا لە یەکتر جیادەکاتەوە. لە خۆرئاواوە زەریای ئەتڵەستی و لە خۆرهەڵاتەوە دەریای ناوەڕاست بە یەکەوە دەبەستێت. درێژییەکەی لە نێوان سەری تراڤاڵگار و سەری سپارتل لە لای خۆرئاواوە هەتا تاوێری جەبەل تاریق و هەرێمی ئیسپنای سەبتە لە لای ڕۆژهەڵاتەوە ٥٣ کم دەبێت، پانییەکەشی لەم سەری خۆرئاوایدا ٣٨ کم و لەوسەری خۆرهەڵاتیدا ٢١کم، بەڵام تەسکترین بەشی گەرووەکە دەکەوێتە لای خۆرئاوای هەرێمی ئیسپانیاوە کە دەگاتە ١٢ کم.
ئەم گەرووە قووڵە و ڕەوکردن پێیدا هیچ جۆرە مەترسییەکی تێدا نییە. قووڵایی ئاوەکەی 600 باڵای دەریاییە، ناوەکەشی لەوەوە هاتووە کە فەرماندەی موسڵمانەکان، تاریقی کوڕی زیاد لە سەردەمی گرتنی ئەندەلووسدا لەو گەرووە پەڕییەوە.

سەرچاوەکان

1. بۆردی نوسەرانی ئینسکلۆپیدیای زانیاری
2. پڕۆگرامی پەروەردەی ئابوری