دەس و پلی - کامەران موکری

دەس و پلی - کامەران موکری

له‌لایه‌ن: - سروشت ناجی سروشت ناجی - به‌روار: 2022-05-20-21:42:00 - کۆدی بابەت: 8720
دەس و پلی - کامەران موکری

ناوه‌ڕۆك

دەس و پلی

شاعیر: کامەران موکری

بەرهەم: ئاگر و ژیلە

هۆنراوە: دەس و پلی

لەناو کچەکانا، زۆرم دی
بەژنی ڕێک، پێستی پەمەیی

چاوی گەش و کەمەری شل
ورشەی سنگی جێ درزی جل

ڕووتی سەرشان و بەر گەردن
جوانیی پێ و پل، کوڵمی گۆشتن

بەڵام دەس و پەنجەی وا جوان
نەبووە، نییە ئەی پەری گیان

ئەڵێی قەڵبەزی زیوینە
ئەو دەس و پلە شیرینە

نینۆکەکانت وەک یاقووت
بێخی دڵم بۆیان بزووت

کە دیمان قەڵپەزی زیندوو
گلێنەی دڵمان ئەبڵەق بوو

من و گەنجەکانی گوزەر
ئەمانوت هونەرە، هونەر

دەسی وا لەدەس بکەوێ
دڵ تاکوو ماوە بسرەوێ

(١٩٥٨) جوانی... جوانی


سەرچاوەکان

24 بینین