پێنج گۆڕانکاری لە شێوازی ژیان پیری دوا دەخات

لەگەڵ بەساڵاچووندا زۆربەی بەشەکانی جەستە هێواش هێواش لاواز دەبن، بۆیە چەندین کێشەی وەک خەڵەفان و کەمبوونەوەی یادەوەری لێدەکەوێتەوە، بەڵام بە کۆمەڵێک گۆڕانکاری لە شێوازی ژیاندا دەتوانرێت نیشانەکانی پیری کەمبکرێتەوە.

بەگوێرەی بابەتێکی تەندروستی، ئەم گۆڕاکارییانە لە شێوازی ژیاندا نیشانەکانی پیری کەم دەکەنەوە:

• بەردەوام وەرزش و ڕاهێنان بکە، چونکە وەرزشکردن تەندروستی دەروونت ڕادەگرێت.
• بەپێی پێویست بخەوە، چونکە خەو ڕۆڵێکی گرنگ دەبینێت بۆ راگرتنی تەندروستی مێشکت، وەکوو گرنگی نان و ئاو وایە، کەم خەوی ناهێڵیت مێشک خانەی نوێ دروست بکات بۆ دروستکردنی یادەوەری نوێ.
• سیستمێکی خۆراکی مامناوەند پەیڕەوبکە، کە ئەویش سەرنج دەخاتەسەر خواردنی ڕووەک، دانەوێڵەی تەواو، ماسی، چەورییە تەندروستەکان وەک زەیتی زەیتوون و کەمتر گۆشتی سوور و خوێی تێدایە.
• مێشکت وەک ماسولکەیەک وایە، ئەگەر بەکاری بهێنیت و ڕاهێنانی پێبکەیت گەشە دەکات، ئەگەر بەکاری نەهێنیت تێکدەچێت و خراپ دەبێت و دەپوکێتەوە، دەتوانیت لەڕێگەی شیکارکردنی مەتەڵ یان یاری ڤیدیۆیی ستراتیژی، یان فێربوونی زمان، یان بەهرەی نوێ مێشکت بەهێزبکەیت، بۆیە چالاکییە جیاوازەکان لەخۆبگرن.
• پەیوەندی کۆمەڵایەتی یارمەتی دوورخستنەوەی خەمۆکی و فشار دەدات، کە هۆکارێکن لە لەدەستدانی بیرەوەری، پەیوەندی کۆمەڵایەتی باری دەروونی باشتر دەکات و بەختەوەرت دەکات، مەترسی تووشبوون بە نەخۆشی بیرچوونەوە کەمدەکاتەوە، هەستکردن بە سەلامەتی و سەربەخۆیی بەرەوپێش دەبات، هەروەها ڕێگەت پێدەدات متمانە بە کەسانی تر بکەیت و کەسانی تریش متمانەت پێبکەن.
• بەدوای دەرفەتەکاندا بگەڕێ بۆ پەیوەندیکردن لەگەڵ ئازیزان و هاوڕێ و خزم و کەسانی تر، بەتایبەتی ئەگەر بەتەنها بژیت، لێکۆڵینەوەیەکی زانستی کە تەنیایی و گۆشەگیری و پوکانەوەی مێشک پێکەوە گرێدەدات، چونکە دابڕانی کۆمەڵایەتی بۆ ماوەیەکی درێژ دەبێتە هۆی زیانێکی زۆر و درێژخایەن بە مێشک.