ناوه‌ڕۆك
ناساندن
کێشەی زیادنەبوونی کێش (بە ئینگلیزی: The problem of not gaining weight، بە عەرەبی: مشکلە عدم زیادە الوزن). زۆرێک لە کەسەکان لە هەوڵی زیادکردنی کێشی جەستەیاندان، بەڵام هەوڵەکانیان سوودی نابێت لەبەر چەند هۆکارێک.
هۆکارەکانی زیاد نەبوونی کێش
زیادبوونی غودەی دەرەکی
زۆر چالاکی ڕژێنی غودەی دەرەکی بە بەرهەمهێنانی بڕێکی زۆر لە هۆڕمۆنی تایرۆکسین ناسراوە، کە دەبێتە هۆی خێراکردنی میتابۆلیزم و بەم شێوەیە کالۆری زیاتر دەسوتێنێت ئەم چالاکییە چەند نیشانەیەکی هەیە وەک: زیادبوونی ئارەزووی خواردن بەبێ زیادبوونی کێش، لێدانی دڵ بە خێرایی و بە شێوەیەکی ناڕێک، تووڕەیی، دڵەڕاوکێ، لەرزین لە دەست و پەنجەکان، زیادبوونی جوڵەی ڕیخۆڵە، گۆڕانکاری لە شێوازی سوڕی مانگانە لە ئافرەتان و لاوازی ماسولکەکان.
بۆماوەیی
هۆکاری زیادنەکردنی کێش لەوانەیە تەنها بۆماوەیی بێت هەندێک کەس بە سادەیی جەستەیان ئارەزووی بۆ زیادکردنی کێش نییە، چونکە بەم شێوازە درێژبۆتەوە بۆ بۆهێڵەکانی خێزانەکەیان، بۆیە ئارەزووی خواردنیان بە شێوەیەکی سروشتی کەم دەبێتەوە، یان زیندەچالاکیان لەوانەیە چالاک بێت ناتوانرێت بە ئاسانی کێش زیاد بکات.
کێشەی کۆئەندامی هەرس
تەنانەت ئەگەر کەسێک خۆراکی زۆریش بخوات، لەوانەیە تووشی کێشەکانی ڕیخۆڵە بووبێت وەک نەمژینی خۆراک بە باشی، ئەمەش دەبێتە هۆی زیادنەکردنی کێشی لەشی و ئەم جۆرەش بە کۆنیشانەی بەدمژینی خۆراک ناسراون.
نەخۆشییە فیزیۆلۆژییەکان
خەمۆکی و فشاری دەروونی و کەمخەوی کاریگەری لەسەر تەندروستی دەبێت، ئەمەش دەبێتە هۆی زیادنەکردنی کێشی لەش، ڕاستەوخۆ کاریگەری لەسەر زیندەچالاکی دەبێت، ئەمەش دەبێتە هۆی کەمبوونەوەی ئارەزووی خواردن و کاریگەری لەسەر تەندروستی بەگشتی دەبێت، هەروەها دەکرێت یەکێک بێت لە هۆکارە باوەکانی زیادنەبوونی کێش.
چارەسەر بۆ زیادبوونی کێش
کەسێک دەتوانێت چارەسەری ئەم کێشەیە بکات بە زیادکردنی کێشی لەش بە پەیڕەوکردنی ڕێجیمێکی تەندروست کە خۆراکی دەوڵەمەند بە کالۆری لەخۆدەگرێت، ڕەنگە پزیشک پێشنیاری ئەوە بکات کە کەسەکە هەوڵبدات ڕێجیمێکی دیاریکراو پەیڕەو بکات بۆ زیادکردنی کێش یان ڕەنگە ڕەوانەی پزیشکی پسپۆڕی خۆراکی بکات، ئەمەش یارمەتیدەرە بۆ پەرەپێدانی ڕێجیم پلانێک کە لەگەڵ جەستەیدا بگونجێت نموونەی هەندێک لە پێکهاتە سەرەکییەکانی خۆراکی زیادکردنی کێش بریتین لە:
زیادکردنی خواردنی کەم: خواردنی کەم بە پرۆتینی زۆر و کاربۆهیدراتی زۆر یارمەتی مرۆڤ دەدات کێشی لەشی زیاد بکات.
ڕۆژانە چەند ژەمێکی بچووک بخۆ: ڕەنگە کەسێک کێشی زیاد نەکات، چونکە ناتوانێت ژەمی گەورە بخوات، بۆیە لەبری ئەوە دەتوانێت لە ڕۆژەکەیدا چەند ژەمێکی بچووک بخوات.
خواردنی زیاتر بکە نێو ژەمەخۆراکەکانەوە: کەسێک دەتوانێت سەرچاوەی خۆراکی چڕ و کالۆری زیاد بکات بۆ خۆراکی ئێستای وەک: دانانی بادەمی سپیکراوە لەسەر دانەوێڵە، ماست، تۆوی گوڵەبەڕۆژە، تۆوی چیا لەسەر زەڵاتە و شۆربا یان کەرەی گوێز لەسەر دانەوێڵەی تەواو ئەم ژەمە کالۆرییانە یارمەتیت دەدەن بۆ زیادکردنی کێش.
تێبینی: ئەگەر چارەسەری ماڵەوە و ڕێجیمەکان نەبنە هۆی زیادبوونی کێشی لەش، لەوانەیە پزیشکەکان دەرمانی دژە سکچوون یان هاندەری ئارەزووی خواردن بنووسن بۆ ئەوەی یارمەتی کەسەکە بدەن بۆ زیادکردنی کێشی لەش.
