ناوه‌ڕۆك
پیشەسازی ناوەخۆ لە عێراق
پیشەسازی ناوەخۆ دەکرێتە چوار جۆر:
١-پیشەسازی پشت بە بەرهەمی کشتوکاڵی و ئاژەڵ دەبەستێت وەک لە پیشەسازی لەقوتونانی خورما و هاڕینی گەنم و جۆ و هەویرکاری نان و ڕۆنی کونجی و خواردنەوەکان ...هتد.
وە پیشەسازیش پشت بە لۆکە دەبەستێت وەک بەتانی و سەرین ...هتد. هەروەها پیشەسازی جۆرەها گوشراو و جگەرە و بەروبوومی شیری و چەندین پیشەسازی ڕستن و چنین.
٢-پیشەسازی پشت بە کشتوکاڵی ناوەخۆ دەبەستێت وەک پیشەسازی ڕۆنی ڕووەک کە لە لۆکە و کونجی و جۆرەها گوشراو و جگەرە و بەروبونی شیری و چەندین پیشەسازی ڕستن و چنین.
هەروەها پیشەسازی شەکر لە چەوەندەر و قامیشی شەکر. جگە لە پیشەسازییەکانی تەختە وەک دروستکردنی کەلوپەلی ناوماڵ.
٣-پیشەسازی پشت بە کەرەستەی خاوی ناکشتوکاڵی دەبەستێت. وەک چیمەنتۆ، گەچ، کەرپوچ (خشتی سوورەکراو)، قوڕ، کۆنکرێت، کاشی و هیتر کە بۆ مەبەستی دروستکردنی خانوبەرە بەکاردێت.
٤-پیشەسازییەکان کە پشت بە کەرەستەی خاوی دەرەوە دەبەستن.
هەموو شتی دروستکراوی مەتبەخ دەگرێتەوە وەک ئاسن و مس و ئەلەمنیۆم هەیە، هەروەها پیشەسازی بەکارهێنانی زیو و زێڕ و دروستکردنی مەکینە و ئامێری کشوکاڵی و پیشەسازی ئۆتۆمبێل، و پیشەسازی دروستکردنی دەرگا و پەنجەرە.
یەک لە گرنگترین پیشەسازییەکانی عێراق (نەوت)ـە کە لە دوای دەرهێنانی دەچێتە پاڵاوتن لە چەندەها پاڵاوتگەی عێراق، کەرکوک و بەغدا و بەسڕە بە پیشەسازی پیترۆکیمیایی ناسراوە، هەروەها پیسەسازی قیر بۆ دروستکردنی ڕێگا و بانی ئۆتۆمبێل لە عێراقدا وە پێویستیشی زیاد دەکات لەگەڵ پتربوونی ناوچەی شارستانیەتی.
هەروەها پیشەسازی چیمەنتۆ کە لە ناوچەی سلێمانی و موسڵ و سەماوە و هندیە و بەغدا بەدیار دەکەوێت.
دامەزراندنی پیشەسازی لە هەرناوچەیەک پشت دەبەستێت بە:
- کەرەستەی خاو.
- بوونی ڕێگای هاتوچۆ.
- تێچوون و پارەی تەرخان کراو.
- سیاسەتی حکومەت.
- پێویستیی ئاو.
- هێزی کار.
- بازاڕ
