ناوه‌ڕۆك
چیرۆك و زانیاری فیلم
هەنێک زانیاری و تێبینی
ئەنیمیەکە لە دەرهێنانی هایاو میازاکیە کە خاوەن چەندان ئەنیمی و مانگای بەناوبانگە کە جێی دیاری هەیە لە سینەمادا. ئەنیمیەکە لە ڕۆمانێک وەرگیراوە لەژێر هەمان ناونیشان و لە نوسینی Diana Wynne Jones کە توانی ببێتە خاوەن خەڵاتی Phoenix دوای بیست ساڵ لە دەرچوونی. ئەنیمیەکە بودجەی تەرخانکراوی ٢٤ ملیۆن دۆلار بوو لەکاتێکدا داهاتی تا ئێستا گەشتۆتە ٢٣٦ ملیۆن دۆلار و سەرکەوتنی گەورەی بۆ کۆمپانیا تەرخان کردووە. هەر لە یەکەم هەفتەی پەخش کردنی توانی ببێتە خاوەنی ١٤.٥ ملیۆن دۆلار تەنها لە یابان. نەک هەر لە داهات سەرکەوتنی بەدەست هێناوە بەڵکو ڕەیتینگی باشی بەدەست هێناوە بۆ نموونە لە IMDB توانی ٨.٢ بەدەست بهێنێت بە کۆی زیاتر لە ٣١٠ هەزار دەنگ. لە سایتی تایبەت بە ئەنیمی My Anime List توانی ڕەیتینگی ٨.٦٧ بەدەست بهێنێت بەکۆی زیاتر لە ٥٠٠ هەزار دەنگ وە توانی لەو سایتە بچێتە ڕیزبەندی ١٠ یەم باشترین فیلم و ٤٨ ەمین باشترین ئەنیمی لەنێو هەزاران ئەنیمی. توانیەتی ببێتە خاوەنی ١٧ خەڵات و پاڵێوراوی ١٩ ی تر کە لەنێوانیاندا بۆ باشترین ئەنیمی بوو بۆ خەڵاتی ئۆسکار بەڵام ئەنیمەیشنی Wallace & Gromit: The Curse of the Were-Rabbit توانی سەربکەوێت بەسەری. پاش ئەوەی کریستیان بێل ئەنیمی spirited away دیت بڕیاریدا هەر ڕۆلێکی پێبدەن پێی ڕازیە بۆ Howl's Moving Castle بەڵام پێشبینی ئەوەی نەدەکرد ڕۆلی سەرەکی وەربگرێت کە ڕۆلی دەنگی هاوڵی دیت
