بۆ مناڵان - بەختیار زێوەر

له‌لایه‌ن: - مەبەست کوردە مەبەست کوردە - به‌روار: 2022-06-11-21:17:00 - کۆدی بابەت: 8977
بۆ مناڵان - بەختیار زێوەر

ناوه‌ڕۆك

 بۆ مناڵان

شاعیر: بەختیار زێوەر

بەرهەم: دیوانی بەختیار زێوەر

هۆنراوە: بۆ مناڵان

ئەی خاکی پاکی نیشتمان
ئەی خاوەنی ناو و نیشان
ئەی بێشەی شێری ژیان
وا چاکە بۆ من تاکوو مان
قوربانی تۆی کەم جیسم و جان
 
ئەی نیشتمان... ئەی نیشتمان
سیروان و زەڵم و تانجەڕۆ
لام سەلسەبیلە بێ درۆ
باخێکی زۆر خۆش ڕەنگ و بۆ
وەختێ ئەبینم خاکی تۆ
گۆپکەی هیوام دێتە چرۆ
 
ئەی نیشتمان... ئەی نیشتمان
شارت بەوێنەی مێرغوزار
دێت بووەتە هاوینەهەوار
دەشت و چیات جێی ئیفتیخار
بۆ کوردی کەمدەستی هەژار
گیانم فیدات لەیل و نەهار
 
ئەی نیشتمان... ئەی نیشتمان
ئەی دایکی بێ هاوڕەنگ و تاک
بۆ بێ کەسیت بووم دەردناک
شەرتە هەتا ئەمنێنە خاک
قوربانی تۆی کەم گیانی پاک
بۆ خزمەتت نابم هیلاک
 
ئەی نیشتمان... ئەی نیشتمان
 
١٩٤١/١١/٢٠ سلێمانی


سەرچاوەکان



281 بینین