هۆکاری سڕبوونی دەستەکان چین؟

سەرەتا

هۆکاری سڕبوونی دەستەکان چین؟ (بە عەرەبی: ما هي أسباب خدر اليد؟، بە ئینگلیزی: ?What are the causes of numbness in the hands)، کۆنیشانەکانی تونێڵی مەچەک واتا بێهێزی و سڕبوونی دەست و پەنجەکان بەتایبەت لە شەودا، ئەم حاڵەتە بەهۆی فشار کەوتنەسەر دەماری ناوەندی ناوچەی مەچەک ڕوودەدات کە دەبێتە هۆی بێهێزی و سڕبوونی دەست و مەچەک.

هۆکارەکان

• ناڕێکی لە غودەی دەرەقیدا.
• دووگیانی.
• تووشبوون بە نەخۆشی شەکرە.
• قەڵەوی و کێشی زیادەی لەش.
• هەوکردنی جومگەی ڕۆماتیزمی.
• ماندووبوونی دەست بەهۆی کارکردنەوە.
• ژنان بەراورد بە پیاوان زیاتر تووشدەبن.

نیشانەکان

1. هەستکردن بە بێهێزی یان ئاوسانی پەنجەکانی دەست.
2. هەندێکجار نەخۆشەکە هەست بە تەزوویەکی کارەبایی دەکات.
3. لە ئەگەری چارەسەرنەکردندا دەبێتە هۆی لاوازی لە ماسولکەکانی دەستدا و بە ئاسانی شت لە دەستی کەسەکە دەکەوێتە خوارەوە.

چارەسەرەکان

گیرانی دەمار سێ جۆری هەیە لە هەر جۆرێکیان چارەسەریان جیاوازە:

1. دەبێت نەخۆش پشوو وەرگرێت، قاڵب ببەسترێت بۆ مەچەکەکە، لەگەڵ ئازار شکێن.
2. نابێت کاری پێبکرێت، هەروەها پێویستە قاڵب ببەسترێت بۆ مەچەکەکە، لەگەڵ بەکارهێنانی دەرزی.
3. ئەگەر دەمارگیرانەکە زیاتر بوو، دەبێت نەشتەرگەری بۆ بکرێت.

سەرچاوەکان

1. ماڵپەڕی ئینسایکلۆپیدیای زانیاری